Video
Read full review
2022-01-19
654 views
今日中午同同事去咗幫襯「阿杏飯團」，之前經過親都見好多人排隊，可能最近多咗人可以在家工作，人流先明顯少咗！小店主力做外賣🥡，但都設有四個堂食座位，如果要坐低食，真係要碰吓運氣，一位難求呢，哈哈🤣。呢度顧名思義係食飯團，不過佢嘅出品並非日式嗰種，再加上圓形一大碌，我認為似粢飯多啲🍙。飯團售價介乎$33至$46，單睇價錢唔算平，不過勝在大件足料，男仔當晏食都夠😗。新宿燒汁牛扒飯團($38)，🥩主角牛扒好味道，有一定厚度，所以食落有咀嚼感，而且用上燒汁調味幾惹味。飯團用紫糯米包裹💜🍚，紫糯米營養價值高，健康之選，佢口感較普通米煙韌，故此食起上嚟更具飽腹感。芙蓉鹹蛋飯團($33)，呢個係比較接近原味嘅招牌款式，食材包括大大個芙蓉鹹蛋黃🍳、肉鬆、黃蘿蔔、油條酥、沙律醬生菜同青瓜。每啖食都覺得好豐富，而且帶著流沙嘅口感好得意🤤。飲品方面🧋，我哋要咗燒仙草茉莉以及椰果四季春，兩杯同樣賣$25。不過嗌指定飯團就可享飲品85折優惠🈹。我飲仙草嗰杯，味道唔錯，茶底清香唔澀，甜度亦適中，仙草口感佳，唔會碎濕濕或太膠。題外話，小店嘅外賣包裝同店舖裝修都好鬼靚，🌸粉紅系和紙花花圖案無得輸！總括嚟講，喺尖東呢個美
今日中午同同事去咗幫襯「阿杏飯團」，之前經過親都見好多人排隊，可能最近多咗人可以在家工作，人流先明顯少咗！
小店主力做外賣🥡，但都設有四個堂食座位，如果要坐低食，真係要碰吓運氣，一位難求呢，哈哈🤣。
呢度顧名思義係食飯團，不過佢嘅出品並非日式嗰種，再加上圓形一大碌，我認為似粢飯多啲🍙。飯團售價介乎$33至$46，單睇價錢唔算平，不過勝在大件足料，男仔當晏食都夠😗。
新宿燒汁牛扒飯團
$38
25 views
0 likes
0 comments
芙蓉鹹蛋飯團($33)，呢個係比較接近原味嘅招牌款式，食材包括大大個芙蓉鹹蛋黃🍳、肉鬆、黃蘿蔔、油條酥、沙律醬生菜同青瓜。每啖食都覺得好豐富，而且帶著流沙嘅口感好得意🤤。
飲品方面🧋，我哋要咗燒仙草茉莉以及椰果四季春，兩杯同樣賣$25。不過嗌指定飯團就可享飲品85折優惠🈹。我飲仙草嗰杯，味道唔錯，茶底清香唔澀，甜度亦適中，仙草口感佳，唔會碎濕濕或太膠。
題外話，小店嘅外賣包裝同店舖裝修都好鬼靚，🌸粉紅系和紙花花圖案無得輸！
總括嚟講，喺尖東呢個美食沙漠入面多一個午餐選擇，實在難得😭。小店可以考慮提供埋小食或湯，相信到時定必會更受歡迎。
Post
