麵語 (Closed)

今日嚟咗灣仔附近工作 見一個人嚟食飯就諗住搵間麵舖靜靜地食完就返去做嘢啦😗 其實我都行過好多間餐廳 但係中午時分接近1點真係好難等位 咁啱呢間鋪嘅店員出嚟同我打招呼話入面有位 咁就入咗去快快趣食個麵就走啦😂店舖嘅食物主要有分手作麵或者餃子🥟 我就覺得麵類會飽啲 所以就叫咗個麵語經典手作麵 主要有三樣嘢可以揀🥰 可以揀麵條款式 湯底 湯底嘅辣度 更重要嘅係可以揀上面係咩餸啦😎特選肥牛手作麵我就揀咗闊條麵 黑胡椒豬骨湯 中辣 一上枱就俾佢肥牛嘅份量嚇親 肥牛嘅份量好多🐮 闊條麵咬落口口感好好 好似喺台灣食闊條麵咁 而湯底嘅黑胡椒味都有嘅 不過飲落口唔係好確喉果種 只有淡淡嘅黑胡椒味😋 食食吓先發現原來有個比較簡單嘅Menu 就係麵語經典手作麵餐 主要係睇你嗌咩餸而定嘅價錢 不過要揀返以上三樣湯底呀 麵類呀 嗰啲都係睇返複雜嗰版會好啲😺 整體來講我覺得呢個麵嘅質素都幾好 至少有特色過啲乜乜雲南米線咁樣啦🙈