HANDS - Craft Beer & Magic

Open Now

Now Closed

餐廳以手工啤同魔術做賣點，除左海量嘅手工啤可以選擇外，每個週末仲有魔術表現，每枱仲放左扭計骰同魔術鎖，令我諗起近排netflix好hit嘅「魔鬼的計謀」🤣🌶️招牌麻婆mac & cheeseMac & cheese 食得多，但哩度嘅fusion就將麻婆豆腐融入去mac & cheese，一上枱就聞到好香嘅花椒味，將芝士、通粉、肉碎同豆腐撈勻後食好正，真係冇諗過麻辣同芝士咁夾，必試😋🍔香麻手撕豬肉漢堡麵包有好好烘脆，入面嘅配菜都冇整濕個包做得好好。慢煮豬肉好淋，辣度麻度剛好(大約譚仔10小辣)，加埋炸得啱啱好嘅薯角，好味🍺N.I.P. Gin Lemon Honey (ABP: 6%, IBU: -%)餐廳有好多手工啤，冇飲開真係花多眼亂，但店員好好會問我地飲酒嘅偏好，最後介紹左哩款嘅手工啤。佢嘅IBU係0，飲落冇任何啤酒嘅苦澀味，飲落仲有少少蜜糖嘅甜味，好岩冇飲開啤酒嘅女仕試。🫖 芒果糯米糍普洱茶除左手工啤，哩度另一特色飲品就係發酵茶，發酵茶發酵完糖分同咖啡因會減少，就算夜晚黎飲都唔怕，而哩款茶將芒果蓉加入普洱，酸酸甜甜值得一試。