Video
Read full review
2020-11-10
462 views
近年手工火鍋興起，每每湯底都好有驚喜，元朗最近開咗一間手工火鍋店，主打港式火鍋，最近仲做緊全單七折優惠都幾抵食。麻極手工火鍋店係一樓，要上一層樓梯，樓下都有好大個牌容易搵。店內坐位幾舒適，二人被安排坐梳化卡位。枱與枱中間有分隔，唔洗同前後檯你眼望我眼，私隱度夠高。我見有幾間VIP房可以包廂唱K，不過唔知幾錢先可book到房。湯底：胡椒酸菜豬肚魚鍋+麻辣鍋 $238湯底好大煲有睇頭，麻辣鍋辣味十足，我地揀咗少辣，好香花椒味，鍋入面配咗少少豆卜、木耳、芽菜、芫荽，索咗辣湯食好惹味。胡椒湯底略嫌鹹咗少少，所以一上檯我就畢起啲鹹酸菜費事越煮越鹹，豬肚份量都多不過熬得太耐偏軔，湯底都夠胡椒味，唔會好辣。自家製韮菜餃 $58$58一份有8粒大大粒，超抵食！皮薄餡多，韮菜味勁香，豬肉肥膏比例剛好所以豬油味都好突出，勁推薦！鹹蛋黃墨魚丸半份 $42$42得4粒，雖然偏貴但食得出係手工嘢。鹹蛋味香濃，唔會太鹹，係香口為主。墨魚丸係手打，丸裡面有墨魚肉碎，好彈牙。新鮮豬腰 $48又係抵食之選！平時街市一邊豬腰都要$10，又要洗又要浸。呢到$48一份，份量都唔少，而且完全無腥味，口感爽口，性價比極高。家鄉醃
近年手工火鍋興起，每每湯底都好有驚喜，元朗最近開咗一間手工火鍋店，主打港式火鍋，最近仲做緊全單七折優惠都幾抵食。
麻極手工火鍋店係一樓，要上一層樓梯，樓下都有好大個牌容易搵。店內坐位幾舒適，二人被安排坐梳化卡位。枱與枱中間有分隔，唔洗同前後檯你眼望我眼，私隱度夠高。我見有幾間VIP房可以包廂唱K，不過唔知幾錢先可book到房。
湯底：胡椒酸菜豬肚魚鍋+麻辣鍋 $238
湯底好大煲有睇頭，麻辣鍋辣味十足，我地揀咗少辣，好香花椒味，鍋入面配咗少少豆卜、木耳、芽菜、芫荽，索咗辣湯食好惹味。胡椒湯底略嫌鹹咗少少，所以一上檯我就畢起啲鹹酸菜費事越煮越鹹，豬肚份量都多不過熬得太耐偏軔，湯底都夠胡椒味，唔會好辣。
自家製韮菜餃 $58
$58一份有8粒大大粒，超抵食！皮薄餡多，韮菜味勁香，豬肉肥膏比例剛好所以豬油味都好突出，勁推薦！
鹹蛋黃墨魚丸半份 $42
$42得4粒，雖然偏貴但食得出係手工嘢。鹹蛋味香濃，唔會太鹹，係香口為主。墨魚丸係手打，丸裡面有墨魚肉碎，好彈牙。
新鮮豬腰 $48
又係抵食之選！平時街市一邊豬腰都要$10，又要洗又要浸。呢到$48一份，份量都唔少，而且完全無腥味，口感爽口，性價比極高。
家鄉醃螄蚶 $58
好驚喜呢到竟然有呢款傳統潮州冷盤，出面好難搵到㗎！一盤大約有十粒，侍應話可以就咁食，如果怕腥就輕輕一灼。我地食慣就梗係就咁食啦！螄蚶用醬油醃過，有少少似韓國嘅醬油蟹，有蔥蒜香味，鹹鹹甜甜好啱餸酒。
新鮮黑柏葉 $68
份量唔算大但夠新鮮，切得夠薄所以食落口唔會太軔，無腥味夠爽口！
本地手切牛肉 $188
有牛味，有口感而不會太鞋
鴨血 $58
無預先醃制，無乜味。要係麻辣鍋煮耐啲先夠香口。
炸饅頭 $28/6粒
新鮮炸起的饅頭一定要趁熱食，超脆口！
Post
