葫蘆館 (Closed)

係觀塘區讀書工作遊走多年，葫蘆館係其中一間伴我成長嘅小店，好local 嘅中式糖水店，家庭式營業，藍底紅字，鐵羹，好多記憶點嘅食店，特別喜歡佢個“羗”字自己唔太飲得奶，但每到冬天都會幫襯佢個熱薑汁撞奶（加辣）好多做薑汁都係唔夠薑。但佢薑夠辣，奶又滑，冬天食簡直暖在心。因為係即撞，所以呢d就係手工，心機。今次很奇怪，知道這味道正倒數中... 當前畫面既熟悉又陌生，感觸良多，但亦無奈！眼見越來越多小店因為不同嘅原因慢慢消失，更令自己要努力去珍惜這些現有嘅回憶同味道。