Video
Read full review
2023-08-09
1724 views
餐廳：The Point - Pizza & Pasta (九龍灣)地址：九龍灣宏照道38號企業廣場5期Megabox11樓10號舖前排喺尖沙咀The One食過The Point之後就念念不忘，因為佢哋嘅自家製意大利菜真喺做得有板有眼，加上佢哋有晚市2人/4人Classic Set，俾人整體嘅感覺就喺又抵又好食😋今次行開九龍灣MegaBox，喺云云餐廳之中俾我再次喺11樓見返The Point，所以決定再戰佢哋嘅石窯Pizza同手工意粉🍝$398嘅2人Classic Set，有2款頭盤、1款意粉或主菜同1個Pizza，另外大部份飲品跟餐有半價優惠☕️，Cocktail、Mocktail、咖啡、茶飲……都幾多選擇🍹嘢食未到，先上咗杯石榴檸檬凍茶(半價$29)同Latte(半價$20)，石榴嘅甜香同檸檬嘅酸香balance得幾好🍋，夏天飲清新解渴，茶香順喉一啲都唔澀🌱小食叫咗龍蝦湯同意大利風乾火腿拼盤(+$28)，手打龍蝦湯濃郁夠稠🤓，鮮香得嚟一啲味精都無，仲有一絲絲嘅龍蝦肉喺當中🦞；意大利風乾火腿拼盤就有4款精選火腿，莎樂美腸、巴馬火腿、煙燻火腿、意式香腸各1片，仲有水牛芝士同火箭菜，喺
地址：九龍灣宏照道38號企業廣場5期Megabox11樓10號舖
前排喺尖沙咀The One食過The Point之後就念念不忘，因為佢哋嘅自家製意大利菜真喺做得有板有眼，加上佢哋有晚市2人/4人Classic Set，俾人整體嘅感覺就喺又抵又好食😋
今次行開九龍灣MegaBox，喺云云餐廳之中俾我再次喺11樓見返The Point，所以決定再戰佢哋嘅石窯Pizza同手工意粉🍝
$398嘅2人Classic Set，有2款頭盤、1款意粉或主菜同1個Pizza，另外大部份飲品跟餐有半價優惠☕️，Cocktail、Mocktail、咖啡、茶飲……都幾多選擇🍹
嘢食未到，先上咗杯石榴檸檬凍茶(半價$29)同Latte(半價$20)，石榴嘅甜香同檸檬嘅酸香balance得幾好🍋，夏天飲清新解渴，茶香順喉一啲都唔澀🌱
小食叫咗龍蝦湯同意大利風乾火腿拼盤(+$28)，
手打龍蝦湯濃郁夠稠🤓，鮮香得嚟一啲味精都無，仲有一絲絲嘅龍蝦肉喺當中🦞；
意大利風乾火腿拼盤就有4款精選火腿，
莎樂美腸、巴馬火腿、煙燻火腿、意式香腸各1片，仲有水牛芝士同火箭菜，喺幾唔錯好吊胃嘅前菜👍
✝️BBQ雞肉Pizza
The Point所有Pizza都喺即叫即整🍕，呢個主要用咗烤雞肉🐓、野菌🍄、焦糖洋蔥🧅、Mozzarella cheese同燒烤醬做餡料嘅Pizza，以意大利最幼滑嘅“00”麵糰發酵足足一日而成🇮🇹，
店內仲有一個火山石窯去烤焗Pizza🔥，令Pizza餅底喺快速高溫底下食落好似法包咁，
薄脆得嚟面頭帶有少少麵粉煙韌質感，火候控制得游刃有餘，令人一試難忘，所以點解我先嚟食第二次😆
✝️龍蝦芝士焗通粉 (+$48)
Macaroni and cheese (Mac & Cheese)喺源自英國嘅傳統主食🇬🇧，喺鐵Pan上面擺滿通粉，撈勻龍蝦汁同龍蝦肉🦞，放上濃香嘅芝士拎去烤焗🧀，每啖都充滿陣陣芝士同龍蝦鮮香🤤，
用匙羹舀起仲見到吸睛、望見都想食嘅拉絲添😍Post
