Video
Read full review
2018-10-20
568 views
Happy Friday 放工想買啲特別嘢食同屋企人享受下，經過呢間細細地嘅餅店，決定買啲蛋糕同蝴蝶酥慰勞下屋企人💕蝴蝶酥包裝好典雅，用嚟送禮都得喎，過時過節可以考慮吓。唔好睇佢細細盒，原來都幾重手，一打開，見到裏面竟然有足足三層蝴蝶酥。蝴蝶酥細細件夠輕巧，幾乎可以一口一件，做得非常精緻。咬落去竟然係咁脆口！真係有驚喜，多層酥皮好鬆脆，特別係鍾意佢牛油味同酥皮香平衡得剛剛好，完全冇油膩嘅味道，蝴蝶酥邊位加咗適量砂糖粒，甜味剛剛好。合桃芝士包望落幾飽滿，幾重手👍🏽芝士控出動！！裏面勁多芝士粒，麵包質地幾鬆軟，不過合桃粒就比較少⋯個睌仲買咗幾件蛋糕。熱情果朱古力慕絲蛋糕💕朱古力慕絲打得幾滑，朱古力濃度都幾高，起碼有65%，熱情果醬酸酸甜甜，配合朱古力味道幾豐富。藍莓芝士條👌🏽體積比一般餅店買嘅芝士條細d，不過細細條幾精緻，上面鋪上了不少藍莓醬，下面芝士條嘅芝士味就唔太突出，牛油餅底可以更加鬆脆。白朱古力杏仁桃撻賣相幾好，不過忌廉口感一般，不是太重奶味，勝在牛油餅底幾鬆脆，幾有牛油曲奇餅底嘅甘香😊
蝴蝶酥包裝好典雅，用嚟送禮都得喎，過時過節可以考慮吓。
唔好睇佢細細盒，原來都幾重手，一打開，見到裏面竟然有足足三層蝴蝶酥。
蝴蝶酥細細件夠輕巧，幾乎可以一口一件，做得非常精緻。
咬落去竟然係咁脆口！真係有驚喜，多層酥皮好鬆脆，特別係鍾意佢牛油味同酥皮香平衡得剛剛好，完全冇油膩嘅味道，蝴蝶酥邊位加咗適量砂糖粒，甜味剛剛好。
合桃芝士包望落幾飽滿，幾重手👍🏽
芝士控出動！！裏面勁多芝士粒，麵包質地幾鬆軟，不過合桃粒就比較少⋯
個睌仲買咗幾件蛋糕。
熱情果朱古力慕絲蛋糕💕
朱古力慕絲打得幾滑，朱古力濃度都幾高，起碼有65%，熱情果醬酸酸甜甜，配合朱古力味道幾豐富。
藍莓芝士條👌🏽
體積比一般餅店買嘅芝士條細d，不過細細條幾精緻，上面鋪上了不少藍莓醬，下面芝士條嘅芝士味就唔太突出，牛油餅底可以更加鬆脆。
白朱古力杏仁桃撻
賣相幾好，不過忌廉口感一般，不是太重奶味，勝在牛油餅底幾鬆脆，幾有牛油曲奇餅底嘅甘香😊
Post
