江南瀨粉 (福榮街) (Closed)

江南瀨粉札根深水埗，主打手工瀨粉，每日新鮮製作，價錢都係走平民路線。南乳豬手瀨粉 $39★★★★☆黎呢到食野主角當然係佢個鮮製瀨粉，瀨粉比平時食開嘅唔同，粗幼條條唔同，較一般食開嘅粗身，所以都確定佢係鮮製。米香味有，咬落有少少彈性，偏向有口感有厚度嘅麵。但係份量大少，女仔食完都唔覺得飽。另外叫左酸辣湯底，睇落似加左Ｄ酸辣菜脯，但整體都夠味道，清清地反而食得到個瀨粉個味道。南乳豬手唔算炆得夠淋身，唔離骨，食落冇南乳味，似係滷水多啲，但都係唔夠入味。大大碗鮮製瀨粉 $55★★★★☆餸真係超多，每樣都有一件左右，蔬菜類會再多啲，有乾燒腩肉、魚皮餃、鳳城水餃、黃沙豬潤、雪花肥牛、潮州魚蛋、台灣貢丸、墨魚丸、黃金魚片、木耳絲、豆卜、生菜、腐皮，真係餸多過麵，而且佢瀨粉份量唔算多。鳳城水餃幾好食，大大粒夠飽滿多餡，有蝦又有木耳夠哂脆口；黃沙豬潤都唔錯，但可以再鮮嫩滑身啲。丸入面樣樣都係正常普通。呢個叫左清湯瀨粉，湯底雖然冇咩色，但飲落清得黎都夠咸味，飲得出有少少豬骨味，整體清清地幾好。🌟總括：瀨粉幾好食，鐘意食有口感嘅瀨粉一定要試試。餸方面正正常常，鳳城水餃幾唔錯。價錢唔貴，味道唔錯，但只係個麵份