Primo (Closed)

岩岩同男朋友去完staycation，諗住出去搵d野食醫肚，平時因為我麻麻地食pizza，所以搞到男朋友成日都無得食，今晚決定陪佢食返餐。呢間餐廳既位置雖然唔算起眼，但夜晚店入面都有唔少客人，好彩我地算早到所以咁岩有位。呢度既賣點係佢地既自家手工製pizza，而且點pizza好自由，配料可以畀我地自己揀，岩哂我呢d好多野都唔食既人，可以避開哂d洋蔥同三色椒，我地最後叫左煙三文魚、Parma Ham、Pepperoni同埋蘑菇，再轉左做薄脆批。即叫即整，一送到黎熱辣辣，個邊好脆口，雖然只係HKD168，但d配料既份量真係一d都唔少，食每一啖都會有配料，連我本身唔好pizza都食左3件。另外意粉都可以自己揀個sauce同意粉，我地叫左個寬麵條配帶子、蝦及煙肉卡邦尼醬。個醬唔會太傑身，寬麵條煙靭適中。最後我仲有叫左杯Cocktail，Happy Jungle有Gin, Earl Grey tea, Mint同埋Ginger beer Topp，個酒味唔會太濃，但飲落口好香同埋無syrup，所以唔會好甜，淡淡地幾岩我。