Video
Read full review
2015-08-06
2266 views
常常見到網友話放假去食brunch尤如食buffet, 食物種類多環境又好. 上網見到介紹此餐廳好吸引, 一於約齊班密友去嘆一嘆. 電話booking都要2星期先有位, 本來是waiting list, 後來有客cancel所以我們才可以只等2星期便有位. 太好了!! 位置不難找, 原來這幢大廈遍佈食肆及高尚既美容salon, 挺高級! 餐廳佔大半都是window seat, 還有戶外位置, 星期天就是要這樣的享受. 但餐廳比想像中的小, 幸好安排了我們這6位美女坐在最角的一枱, 所以我們才能盡情嘻哈聊天. 我們一坐下, 侍應即遞上果汁及汽酒, 簡單解釋一次食物安排, 除了鵝肝, 生蠔, 意粉, 主菜需要order外, 其他食物便可到自助枱上取. ~ Drink: 西柚汁, 雖不是即搾, 但應是無添加的. 汽酒意大利Prosecco很易入口, 不停refill, 用來襯海鮮食好prefect ~ 自助枱上的食物不算多,大約十多款, 主要都是頭盤, 雜菜沙律, Parma ham, cheese, 烤雜菜, 小食, 海鮮, 除了海鮮是較名貴外, 其他食物都是一般自助餐款
~ Drink: 西柚汁, 雖不是即搾, 但應是無添加的. 汽酒意大利Prosecco很易入口, 不停refill, 用來襯海鮮食好prefect ~ 自助枱上的食物不算多,大約十多款, 主要都是頭盤, 雜菜沙律, Parma ham, cheese, 烤雜菜, 小食, 海鮮, 除了海鮮是較名貴外, 其他食物都是一般自助餐款式. 要讚配Parma ham的哈蜜瓜很甜, 而芝士雖只有3款(沒有寫上芝士名稱, 分了淡/中/濃3味及軟/中/硬3種質地), 但是少有的切大粒.
=> 手快有手慢無.....遲到更加無得食 我們食最多是海鮮, 特別是藍青口及波士頓龍蝦, 青口帶鮮甜, 肉質不會過實過"梅". 而龍蝦已切開半隻, 蚶也已扑開, 很易取出原隻肉蚶, 龍蝦每隻都有大量深鮮色既龍蝦籽, 食落好像實的蟹膏, 沒有腥味, 龍蝦肉質也彈牙, 不用沾醬汁也夠甜美, 讚! 我們食完第一碟頭盆後便order生蠔及鵝肝, 因我們還有一位朋友未到, 所以廚房先送上我們5人份量. 生蠔雖不是大隻卻很新鮮, 海水味不太重, 沒有碎殼, 對於我平日少吃生蠔來講都算是易入口. 鵝肝切粒上, 頗厚肉, 表面雖有燶焦, 但內裡頗juicy. 待我朋友1:15來到, 我們再encore生蠔及鵝肝, 但係侍應話廚房已沒有貨, 連我朋友遲來未order既都無得食, 只有一粒鵝肝可供應到俾我朋友.....時間只是1:15pm....咁快無貨.....又話任食既......我們只order了一次.....不開心呢!! 侍應還提醒我們下次要早些order定......我們第一次來食又點知唔係慢慢食, 原來要快快食快快order仲要遲來無得食呢??
~ Pasta共4款(蜆肉幼意粉, cabonara, 蕃茄辣醬長通粉, 肉醬意粉), 侍應話我們每人可叫一份, 我們6人先order 4款來試, 看看那款好味再encore, 4款意粉都煙韌, 但一致喜歡蜆肉意粉, 我們食完main course再order餘下兩份. 但encore的沒有比剛才好味, 雖然蜆肉多了, 意粉質地仍舊, 但不知為何有很多湯汁變了湯意粉, 而且沒有了香草碎, 更而是淡味了. 莫非咁快剛才那廚師已落場? ~ 海鮮湯, 我們2人share一份, 海鮮款式多也很鮮, 魚肉更沒有過熟而變實, 湯底也有海鮮味.
Main course 共6款 ~ 原來這才是真正主角, 本來想每款一份, 但一致想試steak及海鮮湯. 加$50的50-day肉眼果然是比無需加錢的西冷好, 其實兩款既肉質都軟熟及濃牛味, 但一拼食落比較下肉眼明顯是更軟熟, 未至於入口即溶, 但刀切時已feel到那質感. 而西冷可能過熟不是medium所以肉質較為實, 而炭燒味明顯強烈更有點兒似燶味. 我們叫了2塊肉眼及1塊西冷都是medium, 但3塊的熟成程度各有不同. 問過侍應每塊大約8oz, 2人share一份都好滿足.
=> Again!!! 手快有手慢無.... Dessert ~ 第一次上枱, 朋友即取了芒果拿破崙, 酥皮不夠酥帶點實; 朱古力心太軟, 朱古力濃味一般及不流心; 開心菓mousse, 他們試了說開心菓味濃郁但稍甜. 到我們食完所有咸點準備再取甜品時, 原來已經只剩下朱古力撻, 其他已沒有, 但我們好想試開心菓mousse所以問侍應會否有refill? 但他又話廚房已無存貨, 不會再refill, 又說你們下次應該早啲出去取定.......吓! 原來又是手快有手慢無.......... 可能他見我們實在太唔開心太失望, 所以安排了廚房即焗多6杯心太軟, 及6杯tiramisu出來........(咁即係其實有貨, 為何又唔refill呢?) 咁我們都好感謝廚房的安排, 但即焗好既心太軟都是不流心. 而tiramisu更有趣, 有幾杯是沒有餅底的, 可能手指餅又無貨, 哈!!
Other Info. :
雖然遇著生蠔, 鵝肝, 甜品限量供應.......幸好有那塊50-day肉眼好味; 龍蝦鮮甜不是限量及Prosecco飲到你飽,都感到有點安慰. 不過每人$570其實可以到高級酒店食buffet有更多食物選擇, 至少生蠔, 鵝肝, 和牛, 甜品是無限供應. 所以這價錢是否值得便見仁見智了.
(The above review is the personal opinion of a user which does not represent OpenRice's point of view.)
Post
