火薈中日火鍋

Open Now

Now Closed

今晚相約好耐冇見既好姊妹出來一聚, 揀左一間近花園街既火鍋店打邊爐。對比油尖旺黎講, 呢條街比較靜, 所以人流相對較少。店內面積唔大, 但座位都幾闊, 坐得幾舒服。晚市茶芥每位HK$10, 醬油每位HK$15, 即是每位食客入座時已收HK$25, 個人覺得呢類小費偏貴。呢度有提供比較特色既湯底/雞煲, 價錢大約HK$200起, 不太講究湯底既我地最後只揀左比較普通既湯底【馬來沙爹湯】HK$78雖然看似一個普通沙爹湯底, 但沙爹味道什濃, 就算加湯, 味道都不易被沖淡。【頂級安格斯牛頸脊】HK$198牛頸脊既牛脂分佈平均, 焯熟後幾乎入口即溶, 肉質很嫩, 而且好林 【手打鮮蝦丸】HK$68非常鮮甜彈牙, 而且每粒蝦丸中仲有蝦肉, 更顯爽口度, 果然真材實料。【即炸響鈴】HK$48響鈴果然即叫即炸, 極之脆, 放入湯底2秒即起, 中心位仲keep到脆ga~仲有淡淡既豆香味【白鱔片】HK$98開邊鱔片稍為焯熟後, 肉質好爽口鮮甜睇返其他食評話有甜品送, 但我地當晚去都沒有供應。呢度既價錢唔算便宜, 但質素唔錯, 特別係手打丸類, 絕對是真材實料。