Video
Read full review
2009-03-05
398 views
大鄉里出城，第一次入嚟愉景灣，老實講環境真係幾恬靜，住宅發展得又比較有系統，配套又足，來往中環嘅船期都算密，算方便，唯一係船費貴，成$27一程，一來一回真係未見官先打八十！好彩，在D Deck部份食肆每滿$100就送番一張船飛，算係交通津貼！入去前睇均所有食店嘅食評，有幾間想去試但又未有食評，穩陣D揀咗韓一館，見俾佢嘅評語都正面D！星期六1:00pm去到韓一館，因為大部份窗口位都拉咗簾，搞到間嘢幽幽暗暗咁，叫有D氣氛啦。雖然小弟極之少食韓國菜，真係唔係好知價，但個人覺得佢D定食都唔平，平均$90個咁上下，其實基本上佢個菜牌都係散叫嘅，不過，加多十零廿蚊就會變為定食喇。叫咗2個定食：「韓式辣海鮮湯手打麵」（$90）同「韓式傳統石頭牛肉飯」（要牛肉，亦可揀雞肉）（$95），另外加個涼拌「拌蜆肉海帶」（$68），之前驚唔夠食，原來個定食同個涼拌都好足秤，兩公婆食晒D嘢差D可以連晚飯都唔晒食呀！太飽喇！因為係定食，每客都附送3款韓式前菜及例湯，本應跟白飯，但我哋一個係手打麵，一個係石頭飯，就唔再跟白飯喇，俾埋你都食唔晒啦。而6款前菜每款不同，包括有傳統泡菜、蓮藕、野菌、磨菇、青瓜…等，款款都各
星期六1:00pm去到韓一館，因為大部份窗口位都拉咗簾，搞到間嘢幽幽暗暗咁，叫有D氣氛啦。雖然小弟極之少食韓國菜，真係唔係好知價，但個人覺得佢D定食都唔平，平均$90個咁上下，其實基本上佢個菜牌都係散叫嘅，不過，加多十零廿蚊就會變為定食喇。
叫咗2個定食：「韓式辣海鮮湯手打麵」（$90）同「韓式傳統石頭牛肉飯」（要牛肉，亦可揀雞肉）（$95），另外加個涼拌「拌蜆肉海帶」（$68），之前驚唔夠食，原來個定食同個涼拌都好足秤，兩公婆食晒D嘢差D可以連晚飯都唔晒食呀！太飽喇！因為係定食，每客都附送3款韓式前菜及例湯，本應跟白飯，但我哋一個係手打麵，一個係石頭飯，就唔再跟白飯喇，俾埋你都食唔晒啦。而6款前菜每款不同，包括有傳統泡菜、蓮藕、野菌、磨菇、青瓜…等，款款都各有特色，味道也調配得很好，有鹹有甜，有辣有酸，令味蕾有唔同食味嘅感受，已為一餐嘅開始帶嚟驚喜，特別鍾意個醬油蓮藕，口感好特別，有別於平時食蓮藕嘅爽脆，取而代之係一種柔韌感，但蓮藕被醬油醃得好入味，微微哋甜味，好有趣嘅前菜！驚喜未完，初時以為個例湯都係一般普普通通嘅蘿蔔清湯，飲落先知有料到，蘿蔔清甜無渣，最正係個湯底，牛骨湯引出朕朕牛肉香！再嚟多個驚喜，就係個拌蜆肉海帶，因為D海帶切我幼細，食落好爽脆，有D似食海蜇，但就多咗朕海水味，而且勁多蜆肉，好似食極都有，又肥大厚肉吓，亦幾鮮甜，再者配上濃香嘅芝麻醬汁，一流！
韓式辣海鮮湯手打麵其實唔多辣，唔似經驗所知個種韓國辛辣，所以對我唔嗜辣嘅人就有D「喜出望外」，而海鮮配料又非常足，有青口、魷魚、蝦……等，不過D手打麵自覺一般，唔係爽口個類；至於韓式傳統石頭牛肉飯叫做穩打穩紮，夠惹味，附合預期所以無咩驚喜，個石頭窩好夠熱，但做出哩嘅飯焦反而唔夠焦香，感覺差咗少少！
Post
