擰壹檸手打檸檬茶 (Moved) New Location

位置勁方便，行完街上到3樓，去top 就見到。未到cashier已經聞到陣陣既檸檬香氣，今次叫左3杯飲品:泰chill 檸檬茶 ❤ 泰式綠茶茶底另外再加左愛玉同寒天波波甜蜜荔枝角 ❤ 玫瑰烏龍茶配荔枝果肉另外再加左荔枝爆珠同蘆薈白桃成熟時 ❤ 白桃烏龍另外再加左愛玉同蘆薈三杯都絕對係佢地皇牌介紹，我地叫左3分微糖，冰就已經固定冇得要求既，飲落唔死甜。同埋我覺得一定要加配料，成個口感會再昇華同更有層次!!!而且睇住店員強而有力既手去打檸檬，果果畫面真係好正! 整完之後再用力chock，真係杯杯人手整唔係機整~ 欣賞!