肉骨皇 (Closed)

忽發其想今日入大坑食嘢，大坑夜晚好靜，但係開緊嘅餐廳有好多，行到街尾，見到呢間叫「肉骨皇」。望吓門口個牌推介嘅食物都好吸引，就入咗去。入到去裝修唔錯，牆上掛住幾個牌介紹食物。坐低望吓個Menu，侍應介紹話呢個Menu係呢個禮拜新出嘅。上邊竟然比我見到好少見嘅乾肉骨茶（$98），一場嚟到梗係要試吓啦。我再叫左喺門口大大個牌介紹嘅馬拉盞燒大頭蝦（$188），仲有熱薏米水（$30）。等左10分鐘左右就上菜啦。乾肉骨茶🥘萬眾期待嘅肉骨茶嚟到喇，果然同我平時食開嘅肉骨茶非常之唔同，入邊有秋葵冬菇，但係就冇咗平時嘅豆泡同埋金針菇。即刻試一試冬菇，非常爽口彈牙超好食，好有味。秋葵切得細細粒，容易入口，吸左啲蒜頭同埋肉骨茶既肉味。試埋主角豬軟骨，食得出豬軟骨係落咗好多心機整嘅，肉味非常濃郁，軟骨亦都係一個咬得落嘅軟硬度，啲醬汁既味道冇傳統肉骨茶咁甜同埋冇咁重藥材味，怕藥材味嘅朋友就啱晒啦。呢味菜送飯一流。馬拉盞燒大頭蝦🦐再試埋馬拉盞大頭蝦，上菜嘅時候真係不自覺哇一聲，好大隻嘅蝦啊，拍得上平時食開嘅龍蝦尾嘅size。侍應好貼心俾咗刀叉同埋濕紙巾我去拆隻大頭蝦，拆開過程非常順利，睇得出隻蝦嘅熟度啱啱好，啲