慢煮工房 (Closed)

今次又同朋友黎到觀塘，又食下未食過既慢煮食物。餐廳佈置簡單，位置唔多，多人時感覺上唔會太逼。同朋友嗌左2份Dinner set包初頭以為都係蒜蓉包，點知原來上面有香草，所以食落好重香草味，亦都好脆好香口。南瓜湯一睇就知好濃，用匙羮搞係幾傑既。 加上每啖都有少少南瓜蓉，味道適中唔太甜或鹹。法式小鍋燉牛脷因為係燉，所以牛脷好軟，就唔似食開甘爽口仲用左好多配料一齊煮，例如薯仔、洋蔥、腰豆個汁好香濃，燉到d牛脷好入味。個餐配粟米片，粟米片外脆內軟，好香口，我用埋黎點汁食肉眼扒一望到，同朋友不約而同甘講左句：甘大既。唔誇張，真係有手掌甘大塊可能因為慢煮，甘大塊甘厚既扒D肉都算嫩，唔太un。佢有配隻好似香草醬，但唔點醬都好有味另外跟餐送果茶原本唔大期望，因為送凍飲。但喜出望外，唔太甜亦唔會淡到無味話明係慢煮工房，唔會上菜上得甘快。但慢慢甘食完包、沙律、湯既時候，等多一陣就有野食。所以都唔會話好耐無野入口要等好耐。好適合一大班朋友慢慢傾計，食住等