珍煮丹 (Closed)

來親葵廣都會掃街，呢排都開咗好多手搖飲品嘅舖頭，連之前好多人排隊嘅珍煮丹都喺度開咗分店，襯而家人流唔算多就即刻買咗杯嚟試吓。記得以前佢主打嘅係黑糖珍珠奶茶，之前已經飲過，啲珍珠好有咬口，好好味。今次就想試啲特別啲嘅，見到佢塊板有寫推介，就一於試吓。我就叫咗十份芋芋鮮奶，飲親芋頭鮮奶都好怕會冇咗一粒粒嘅芋頭，好在呢度嘅芋頭鮮奶會食到一粒粒嘅芋頭，有得食下又飲下。而且芋頭味好濃郁。原來呢杯嘢飲入邊仲有芋圓，比較細粒而且好煙韌，飲完呢杯嘢飲都幾飽㗎。朋友就叫咗珍珠伯爵鮮奶茶，茶味幾濃，就算啲冰融左都仲有飲到茶味。而且珍珠好煙韌，唔會粉粉地，值得加分！建議大家除咗試佢嘅黑糖飲品，都可以試吓推介入邊嘅飲品！