呂錦記手撕雞專門店 (筲箕灣道)

Open Now

Now Closed

去西灣河探朋友順便去佢介紹嗰間專門賣手撕雞既店，諗住今晚加餸！🤭手撕雞有辣有唔辣，我叫左半隻唔辣嘅傅統麻油手撕雞（半隻） $58，再叫左半隻古法蟲草花水晶雞。外賣兩個鐘內返屋企食，可以唔使加熱就食得！麻油手撕雞好香嘅麻油味，食落肉質鮮嫩。份量都算多，就咁食或者送飯都一流！蟲草花水晶雞需要等15-20分鐘左右先至可以拎，水晶雞上面放好多蟲草花但味道偏健康淡淡。水晶雞比手撕雞更多軟滑，食落口感好特別，但比較咸少少🤏。媽咪咁嘴刁都食完話好食🤤。