Oh My Cow (Closed)

感覺上葵廣愈黎愈多川式、辣野、涼菜食，好耐好耐之前食過呢間小食店，當時未有而家嘅手撕雞撈麵，見間間都賣，就揀間試下。佢啲料用膠盒一份份裝住，工作枱亦比較企理手撕雞撈麵細份$32，自選2款配料，有例如豬耳、豬肚、牛肚、豆腐乾、玉子蛋、雲耳等。第一次食未知辣度如何，就點左少辣試試先。配料我地揀左青瓜、海哲，麵底份量不少，醬汁撈得幾均勻，辣度溫和，如果再訪，我地可以點中辣，哈哈。麵質偏腍身，加上大量花生、芝麻，又幾香口手撕雞稱唔上話好多，過下口癮啦；其餘配料份量適中。整體味道都ok，可以再訪