華輝小食 (Moved) New Location

呢間店之前係近火車站對出既位置，行過成日都好多人，因為等得耐，我只食過一兩次。佢搬左之後我反而多左食，雖然要行遠少少，但覺得真係好食同埋知道佢比人逼遷既故事後應該要黎支持下。而家個鋪位有少量座位，可以堂食，都幾方便。我次次黎都係食手撕雞腸粉，可以揀唔同既辣度，之前食bb辣覺得唔夠辣，所以今次就試小辣，真係再辣左D，好味好多，不過我諗中辣我就食唔到啦。D腸粉仲係好滑，唔知係唔係石磨呢，同出面一般食既口感係唔同，配埋個麻醬冇得頂，不過食到尾覺得有D鹹，可能因為個底有豉油浸得太耐～繼續係輕食宵夜既良伴！