樂怡小廚

Open Now

Now Closed

街市呢間食肆係做街坊生意，位唔多，諗住嗌外賣返上樓食，但係個外賣等左好耐......起碼成廿幾分鐘先有😓，等緊嘅時候，老闆娘仲要出嚟連問我地幾次幾多位......都幾無奈吓......終於忍唔住吹吓佢，見到我地order出咗嚟，叫佢先包我地嘅，又唔肯......又話要包左其他先，明明得我地晌度等緊，點解唔包左我地嘅先，唔識做又固執......仲見證佢同其他客人口角......叉燒柚子塩拉麵叉燒幾好味，湯底都清清爽爽，清新的柚子好啱夏天口味。D麵就麻麻，硬得嚟唔係彈牙嗰隻，麵本身都冇乜味，如果換左D麵會好食好多。（唔記得影放落湯個樣）😅滑蛋豬扒飯🐷幾好，有日式家庭感覺，蛋夠滑，不過炸豬扒可以再整得酥脆可口D。明明樓面有三個人，但係手腳好慢，流程有待改進。