Tasty Bites (馬頭圍道)

Open Now

Now Closed

作為卡巴愛好者，每次諗唔到食咩就會去印度餐廳🤣呢間雖然係外賣店，但由薄餅、咖喱、炒飯到卷餅都有，價錢就同普通餐廳差唔多，櫃檯前面都擺咗張凳，有需要既話可以坐低食🙈我做人比較貪心，所以嗌咗雜錦卡巴($74)，有齊羊肉雞肉😝店主即刻煎返熱啲燒好咗嘅肉，又會問你要唔要辣，擺好配料之後再將成個卷餅放入焗爐整熱，所以一攞上手差啲焫親🤣仲要差唔多成隻前臂咁長，又粗又有重量，雖然印度菜係以份量取勝，但呢個有少少誇張😆一打開已經見到滿滿嘅醬汁同埋燒肉，仲有好多生菜蕃茄🤩燒肉嘅大細同份量都適中，如果切到太細條好容易又乾又柴，但又未去到我食過某啲卡巴卷咁真係啖啖肉，所以中規中矩👌🏻燒烤味同羊味都唔算重，可能可以燒多陣🤔餅皮嘅烘焗時間啱啱好，唔會乾得滯變硬曬，而且即刻食所以未比啲醬汁浸淋👍🏻最重要係餡料真係好豐富，食完超級滿足，不過肉味方面真係爭少少😛