蛋卷皇后

Open Now

Now Closed

J 的媽媽是蛋卷迷，正餐又唔見佢食嘢，但每次食完飯，返到屋企都會捧住盒蛋卷狂食。見媽媽食得咁滋味，貪得意攞條嚟食，點知一食就上癮，現已成為了我的宵夜伴侶。Eggroll Queen的蛋卷是全人手製造，不含添加劑，是sell傳统口味的蛋卷。包裝用了傳统的密封式鐵罐，存氣功能無得頂，我試過開了一罐新的蛋卷，唔記得食2個月，都keep到脆身，勁呀！皇后蛋卷的外表很普通，長度及顏色都跟一般蛋卷一樣，不會像Fine Foods般將蛋卷縮短又用法式薄脆的方法去焗製....皇后的蛋卷質地鬆脆，卻不會邊吃邊散，蛋香突出，牛油味偏輕，不會搶走蛋味。甜度適中，食多幾條都不覺油膩。一大罐才$75元，好抵食。