金駿扒房 (Closed)

小女真係見識少，唔係咁知咩叫扒房，係我既字典中扒房應該有最基本食扒既鐵板！今日男朋友話成日經過都想去試，原因係佢外面既裝修好吸引佢，佢覺得好似有金鳳果D扒房feel,同埋應該咁既外型ｄ扒會好正．．．唉，入到去，真係覺得似茶餐廳多ｄ，好喇，叫兩個扒餐，先問係唔係用鐵板上，點知果個女侍應話唔係，我地都有ｄ失望。咩湯唔放過既我，今次，亦係第一次，唯一一次叫我飲唔落湯既地方，嘩，咁簡單既羅宋湯都可以咸到嘔！叫左一個黑椒牛柳真係"京"貴到呢十歲小朋友個拳頭都大個件牛柳！食落無牛味，仲要係少少熱添！另一個叫左黑椒雜扒，無牛扒都算喇，一條BBQ既腸仔、兩塊煙肉、一塊雞扒同埋一塊超薄既豬扒加埋薯菜，真係比係大 X 樂份量多少少，仲要唔好食！成份餐用碟上無問題，問題係一ｄ煙都睇唔到，食落仲要熱都唔熱下又不至於凍囉。好唔掂好唔掂。果個哥哥仔侍應，踢住拖鞋慢條斯理，都唔知想點。兩個人食左加埋 $163，咁既價錢食ｄ咁既野！佢地張單仲要係印住 "駿景茶餐廳" 應該係以前係跑馬地搬出黎呱，唔掂呀！總之真係有期望但好失望囉～！一定一定一定唔會再去。