扒王之王 (Closed)

我剛在西貢的扒王之王打算試佢個早餐, 其實之前都食過西貢間分店既午餐, 覺得算ok,所以今朝去試佢個早餐. 點知一坐低, 一個帶眼鏡的肥佬, 應該幾高級既, 走埋黎加水俾我地, 咁我問佢"請問你地公仔麵係唔係出前一丁?", 個肥佬只係望住我話: "下?", 跟住佢唔望我, 話"唔係", 咁我再問, "請問可唔可以轉呀?" 佢居然好惡咁話:"我都冇出前一丁, 點轉俾你呀", 跟住我當然立即起身走啦, 有冇攪錯呀, 我全程好有禮貌, 句句有"請問", 佢就一貫唔想做的態度. 我番屋企已打算去佢個website投訴, 至發覺佢地冇既, 所以在呢度話俾大家知, 唔想受氣, 就最好唔好去食喇!其實佢食物係ok既, 可惜服務就完全唔得, 咁就足以令我以後唔幫趁喇! 不過或者佢地唔希罕我地呢d 去食佢早,午餐的人啦!