L Place Cafe (Closed)

寒冷嘅冬天下食個熱辣辣嘅牛角包，再飲碗餐湯暖下胃，真係好舒服。牛角包香軟鬆化，牛油味香濃，配埋忌廉湯飲，豐富嘅晚餐正式開始！臨近聖誕節，食龍蝦大餐特別興奮！餐廳有多款龍蝦配搭，包括黑豚豬、牛、三文魚扒、意粉。青花龍蝦配黑豚豬，龍蝦新鮮肥美，肉質爽口，配黑豚豬感覺唔太膩，亦唔會喧賓奪主。豬肉肥瘦、厚薄適中，食落又爽又嫩。伴碟的薯菜一點都不馬虎！以蕃薯的原材料製成薯條，新鮮即炸，香甜，令人愛不釋手。另一款香煎紐西蘭羊扒，配蒜蓉汁，原粒蒜頭加入汁中，特別香。上桌發現有三大隻羊架！件件厚肉，抵食夾大件！羊肉與羊脂相間，濃郁的羊脂令肉質美味無窮，沒有多餘的油份，羊架近骨的位置帶有淡淡的羶味，愛吃羊的千萬不要錯過。飲返杯紫薯紅豆冰，更添節日氣氛。紫薯味甜味剛好，粒粒紅豆冰令飲品更有口感。兩者味道配搭得宜，頗有創意。