LM Cafe (Closed)

因為工作在觀塘嘅關係，平時都會返係呢區搵食，今日食LM cafe。入面地方好大，地方舒適，而且價錢好平，見到爵士西冷扒配香草腸鐵板餐跟餐湯，先$80，我諗平過大家樂吧，我選了紅湯，酸酸地幾開胃好好飲又夠熱，吾洗好耐我嘅鐵板就上碟。好大煙，炸炸聲，我嗌左龍蝦汁，平時好少有，反而好好味，因為吾會好咸，又同牛好甲味道，牛好大份，放滿成個鐵板，腸放在下面，吸了牛嘅精華，又切到一條條放便切同食，而且薯條係曲嘅粗薯條，放係底，因為龍蝦汁真係要再讚，好好味，鐵板又夠熱，所以薯條其實好正，我記得最後成份餐食晒，哈哈！另外仲叫左杯咸檸7，正丫，夠夠冰，好爽，配埋份扒，岩晒。