Video
Read full review
2023-09-19
1177 views
朋友喺附近收工，極力推薦我要嚟試一試呢一間嘅打邊爐！雖然佢係一間樓上舖，但係人客源源不絕！👍🏻卜卜蜆作為一個湯底真係相當出色，卜卜蜆嘅數量多達40隻，吐沙工夫做得足夠，滾起嘅時候鍋底聽到明顯嘅卜卜清脆聲，建議趁開咗殼盡快食用，再品嚐一鍋濃郁嘅清湯(⁎⁍̴̛ᴗ⁍̴̛⁎)👍🏻海鮮餐廳每一日都有提供時令海鮮，今日見到有蘇格蘭蟶子王同埋南非大鮑魚忍唔住各叫咗兩隻，海鮮端上枱嘅時候已經離晒殼，清洗乾淨，蟶子食落相當鮮甜，鮑魚厚肉爽彈，絕對為今晚呢一餐飯揭開序幕！👍🏻頂級安格斯牛頸脊打邊爐又點可以冇牛肉呢，兩個人叫一份例牌份量已經非常足夠，安格斯牛頸脊紋理清晰 ，色澤夠紅，食落去相當軟柔！👍🏻雙拼鮮蝦雲吞自家製作嘅雲吞絕對值得叫上一份，餃皮唔會好厚，重點在於餡料相當飽滿，加$10更加可以有雙併；鮮蝦雲吞咬落去淡淡蝦肉，午餐肉餃子亦相當有特色。👍🏻珊瑚蚌打邊爐有時想食得健康啲，珊瑚蚌或者桂花蚌就係你嘅選擇，皆因佢哋都係冇膽固醇，亦都冇脂肪，輕輕碌一碌，放入口滿是爽脆。👍🏻脆鯇魚骨腩脆骨腩斬得頗為大件，食落口感極好，魚骨亦都容易分離。👍🏻竹蔗茅根來一榨清清甜甜，冰冰涼涼嘅竹蔗茅根就最好不過，降火之餘亦都可以解
朋友喺附近收工，極力推薦我要嚟試一試呢一間嘅打邊爐！雖然佢係一間樓上舖，但係人客源源不絕！
👍🏻卜卜蜆
作為一個湯底真係相當出色，卜卜蜆嘅數量多達40隻，吐沙工夫做得足夠，滾起嘅時候鍋底聽到明顯嘅卜卜清脆聲，建議趁開咗殼盡快食用，再品嚐一鍋濃郁嘅清湯(⁎⁍̴̛ᴗ⁍̴̛⁎)
👍🏻海鮮
餐廳每一日都有提供時令海鮮，今日見到有蘇格蘭蟶子王同埋南非大鮑魚忍唔住各叫咗兩隻，海鮮端上枱嘅時候已經離晒殼，清洗乾淨，蟶子食落相當鮮甜，鮑魚厚肉爽彈，絕對為今晚呢一餐飯揭開序幕！
👍🏻頂級安格斯牛頸脊
打邊爐又點可以冇牛肉呢，兩個人叫一份例牌份量已經非常足夠，安格斯牛頸脊紋理清晰 ，色澤夠紅，食落去相當軟柔！
👍🏻雙拼鮮蝦雲吞
自家製作嘅雲吞絕對值得叫上一份，餃皮唔會好厚，重點在於餡料相當飽滿，加$10更加可以有雙併；鮮蝦雲吞咬落去淡淡蝦肉，午餐肉餃子亦相當有特色。
👍🏻珊瑚蚌
打邊爐有時想食得健康啲，珊瑚蚌或者桂花蚌就係你嘅選擇，皆因佢哋都係冇膽固醇，亦都冇脂肪，輕輕碌一碌，放入口滿是爽脆。
👍🏻脆鯇魚骨腩
脆骨腩斬得頗為大件，食落口感極好，魚骨亦都容易分離。
👍🏻竹蔗茅根
來一榨清清甜甜，冰冰涼涼嘅竹蔗茅根就最好不過，降火之餘亦都可以解一解油膩，最重要嘅係自家煲製，真材實料。
💡餐廳收取$18醬料費一位，當中更加有兩款醬汁係自家製作，特別係沙嗲醬炒得好香好夠味，另外亦有送飯後水果🍉
👍🏻👍🏻餐廳環境滿滿都是香港舊時嘅情懷，無論係筷子、廁紙筒、蔬菜覽等等，牆壁嘅繪圖適合打卡，更加播放住一首首琅琅上口嘅金曲！
Post
