凱富菜館 (Closed)

朋友推介下，特登過海黎食既打冷。鋪頭十分接近鰂魚涌地鐵站，上左路面對面馬路就係。室內好坐舒服，位置唔多，但睇佢有部升降機運餸菜，唔知係咪仲有樓上一層呢。坐低後都受到有禮熱情招待，同埋呢個前菜仔，係炸魚仔，小小偏鹹，都Ok既。滷水拼盤夠熱，咸味適中，中意既話仲可以加少少酸汁，送飯或者就咁食都啱。黃金蝦球，見到咁多筷子搶食就知正啦，不過大家都熱到燙嘴，哈哈，夠鑊氣。川椒雞，比較少食到既潮州菜，食落唔辣，又香又好食。特別一讚老闆同員工親切，會介紹菜式俾你聽。另外就算係打冷，洗手間都算乾淨，真係少有。