新泉發潮州飯店

Open Now

Now Closed

老公贏咗比賽有錢分，於是我哋就去食打冷。上網搵咗好耐，最後搵到呢間打冷好似幾出名，於是就過咗嚟食啦。我哋嗌咗我最鍾意食嘅椒鹽九肚魚、蠔餅同埋啫啫生菜煲，等咗一陣啲餸菜終於到咗啦，老公另外再嗌多支青島啤酒黎賀一賀佢。首先個椒鹽九肚魚咬出嚟好鬆脆，但略嫌有啲細條，冇乜肉食。但值得一讚嘅係佢嘅蠔餅同埋啫啫生菜煲都煮得好出色😂蠔餅炸粉唔厚，咬落去啖啖蠔肉，啲蠔肉又非常之鮮甜，食落超滿足。至於個啫啫生菜煲應該有落咗少少蝦醬，煮得好入味，佢唔止落咗蝦醬，仲落咗新鮮蝦米，蝦米都非常之大隻又鮮甜。總括嚟講今餐食得非常之滿足，有機會會再嚟encore！