心夜來潮 (Closed)

平日去同朋友去潮州打冷，通常都係大角咀、深水埗路邊檔，比較有風味，但尋日同朋友去左旺角呢間食又真係唔錯喎，天時仲係咁熱，有冷氣係唔錯。 講返呢度既潮州野食，作為一個潮州人，佢地既滷味係唔錯，我地點左滷水豬腸、鵝腸同豬耳，味道適合香港人口味，咸淡適中！潮州野海鮮一定走唔甩，我地仲點左佢地招牌：蟹肉蟹糕撈飯，足料，差不多舖滿飯面，另外蝦煲夠曬鑊氣，多肉；果個咸蛋黃寶寶寶，即係魷魚、銀魚、雞軟骨，炸完用咸蛋黃上，飲酒必點！加埋個蠔仔烙就完滿。另外潮州打冷點少得啤酒，上面送酒既菜都係一流，下次男人傾下心意都可做首選。