角落咖啡廳 (Changed Hand) New Restaurant

以波斯米亞風為主嘅角落咖啡店位於蘭桂坊中央✨成間cafe裝修好用心，除咗打卡必到嘅滕製韆鞦配霓虹燈，窗邊座位位置都好值得打卡，最啱同閨蜜打卡影相📸📸📸打完卡當然要品嚐吓呢個餐廳嘅美食，餐廳主打健康美食，仲有生酮菜式同甜品，最啱怕肥嘅女仔~主菜就揀咗煙三文魚翠玉瓜麵✨出面較小食到，健康之選，翠玉瓜蒜味香濃，味道較清淡，而煙三文魚嘅咸味就豐富咗成碟麵~另一款就揀咗金箔蟹膏蟹肉意大利飯✨擺盤華麗，蟹肉一絲絲混合係飯到，份量唔太多，但意大利飯贏在口感creamy而濃滑，食完唔會有油膩感，必食！見到有生酮cake又點可以錯過！生酮芝麻巴斯克芝士蛋糕同生酮✨芝麻同芝士睇落有衝突嘅味道，但以巴斯克芝士蛋糕嘅形式係好夾， 對比下芝麻味香配芝士濃郁，綿密口感，另一款揀奶蓋桂花烏龍茶卷蛋✨，桂花比較淡，但茶香夠濃，外層鬆綿而內裏軟滑，最重要食完都唔怕肥！玫瑰咖啡又係必點咖啡之一，玫瑰香中而不失咖啡濃，如果唔飲咖啡，花茶都係唔錯嘅選擇，成個壺都高貴，打卡必點，入面一個茶包都夠味，玫瑰水果茶就玫瑰味濃啲