Video
Read full review
2024-03-02
202 views
💁♀️💁♂️ 22/02/2024(Thu), Dinner🍽位於灣仔春園街嘅Uluru早已因為佢嘅2D黑白壁畫而聞名，💁♀️為食妙妙同💁A先生之前都想去食飯打卡📸，可惜餐廳曾經歷過火警，需要重新裝修。而家餐廳已經重新開業，裝修完後仍保留住特色嘅2D黑白壁畫，客人由春園街推開門口，已經可以見到牆壁上面嘅壁畫，再沿住黑白色好似琴鍵🎹咁嘅樓梯上到去一樓嘅用餐位置。呢度基本上成層都係打卡位，包括近reception位置嘅梳妝枱，牆身上嘅壁畫等等。而今晚我地order咗🍽：🔆 南瓜🎃湯（跟餐$28連餐飲）入口甜甜的南瓜🎃味道，店方沒有打到好細滑，仍保留少少南瓜肉嘅質感。🔆 阿根廷紅蝦刺身配蕃茄沙沙多士（$138）整體配合得好靚好好食，底層係一片好香脆嘅多士，上面放咗酸酸哋好清新開胃嘅蕃茄沙沙，上面再放咗一隻紅蝦🦐刺身同少少黑松露醬，伴以食用花作裝飾。紅蝦入口彈牙有蝦嘅鮮甜味，一啖連埋酸酸哋嘅蕃茄沙沙、鬆脆嘅多士一齊入口，味道同口感都同樣豐富。🔆 烤焗美國🇺🇸豬鞍扒（$258）豬鞍扒係厚切嘅，伴有焗薯角、燒汁同蘋果🍎蓉。廚師🧑🍳控制火候掌握得唔錯，豬鞍扒雖然厚但都唔會乾爭爭，邊位帶有筋膜嘅位置
💁♀️💁♂️ 22/02/2024(Thu), Dinner🍽位於灣仔春園街嘅Uluru早已因為佢嘅2D黑白壁畫而聞名，💁♀️為食妙妙同💁A先生之前都想去食飯打卡📸，可惜餐廳曾經歷過火警，需要重新裝修。
而家餐廳已經重新開業，裝修完後仍保留住特色嘅2D黑白壁畫，客人由春園街推開門口，已經可以見到牆壁上面嘅壁畫，再沿住黑白色好似琴鍵🎹咁嘅樓梯上到去一樓嘅用餐位置。呢度基本上成層都係打卡位，包括近reception位置嘅梳妝枱，牆身上嘅壁畫等等。而今晚我地order咗🍽：
🔆 南瓜🎃湯（跟餐$28連餐飲）入口甜甜的南瓜🎃味道，店方沒有打到好細滑，仍保留少少南瓜肉嘅質感。
🔆 阿根廷紅蝦刺身配蕃茄沙沙多士（$138）整體配合得好靚好好食，底層係一片好香脆嘅多士，上面放咗酸酸哋好清新開胃嘅蕃茄沙沙，上面再放咗一隻紅蝦🦐刺身同少少黑松露醬，伴以食用花作裝飾。
紅蝦入口彈牙有蝦嘅鮮甜味，一啖連埋酸酸哋嘅蕃茄沙沙、鬆脆嘅多士一齊入口，味道同口感都同樣豐富。
🔆 烤焗美國🇺🇸豬鞍扒（$258）豬鞍扒係厚切嘅，伴有焗薯角、燒汁同蘋果🍎蓉。廚師🧑🍳控制火候掌握得唔錯，豬鞍扒雖然厚但都唔會乾爭爭，邊位帶有筋膜嘅位置烤焗過後更香口好食，而近骨嘅肉則嫩滑有肉味。點上少少伴碟嘅蘋果🍎蓉，香甜嘅味道起到中和嘅作用，食多幾件都唔覺得膩。
🔆 西班牙🇪🇸紅花海鮮意大利飯（$158）海鮮有青口、蝦🦐同埋帶子，青口煮得嫩滑，蝦同埋帶子則煎香過，入口鮮味彈牙。配合煮得al dente嘅意大利飯，醬汁唔會太膩太heavy，食落都好清爽。
🔆 富士芝櫻祭 - 丸久小山園抹茶Tiramisu（$118）店方名物除咗2D嘅蛋糕，今晚我哋點嘅3D甜品都同樣出色。
Tiramisu用上富士山嘅造型，mascarpone芝士打得幼滑，伴上甘醇嘅小山園綠茶同埋焙茶手指餅，再喺山腳位置圍咗一圈crumble，而山頂就放咗個鳥居⛩️，單係賣相已經好吸引。味道方面香滑嘅芝士，加上甘醇綠茶味道，再配合鬆化嘅crumble，口感十足而且味道又唔會太甜，食多啲都唔怕。
🔆 夢-森の家（$128）同富士山一樣都係3D造型嘅甜品，呢個夢-森の家就係3D嘅菇🍄。🍄嘅外殼係白朱古力，入面就係草莓乳酪同草莓果蓉，仲有扮泥土嘅crumble同埋樹根嘅朱古力條，夾埋又係一個靚到唔捨得食嘅甜品。味道方面可以話係睇得又食得，入口帶微酸嘅草莓🍓味道，夾埋鬆化crumble，唔覺唔覺又好快清碟😋。
🔆 Popcorn Latte（跟餐+$23）咖啡入口溫度適中，奶泡綿密幼滑，味道醇和。上面畫有星球🌍拉花，同埋一粒爆谷🍿。星球🌍型嘅拉花真係第二見唔到，好特別、好驚喜！
🔆 Rose Sangria($78)
加入咗玫瑰🌹嘅sangria，上面有一層泡泡再放一朵玫瑰花🌹，飲落有陣陣香甜嘅玫瑰🌹香味，為食妙妙十分喜歡👍🏻。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：9/🔟
❤🙆♀️(為食妙妙)整體食評：8.5/🔟
👉🏻 2D嘅黑白壁畫絕對係打卡位，餐廳嘅3D甜品亦都好高質素
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(4/5)
👉🏻 餐廳附近嘅合和中心🅿️、利東街🅿️都有大量停車位，附近嘅橫街都有少量錶位🅿️，泊唔泊到就睇運氣。
👉🏻 灣仔地鐵站過嚟都唔使5分鐘路程，地鐵、巴士、電車、甚至小巴都有唔少選擇
🔆🔆🔆🔆🔆🔆🔆🔆🔆🔆🔆🔆🔆
Post
