Video
Read full review
2022-07-16
549 views
平時都係好友帶我去試新餐廳，今次難得係我介紹返佢轉頭！幾個月之前幫襯過不籽是咖啡，留下美好嘅印象，所以當好友話去Cafe食嘢，我就即刻帶佢過嚟。🦀北海道干貝蟹子忌廉扁意粉（$128）意粉煮得啱啱好，唔會太淋。北海道帶子新鮮，有微微煎香。忌廉汁濃香，加上脆卜卜嘅蟹子，食晒全碟都唔會覺得漏😋🍗海鹽焦糖雞翼（$68）雞翼炸得酥脆，肉質依然保持嫩滑，仲要係單骨，方便食用。雞翼配合鹹鹹甜甜嘅海鹽焦糖醬汁，味道特別又可口。用嚟伴碟嘅沙律菜，真係只作伴碟，同醬汁唔夾😅🧇焦糖香蕉楓糖牛角酥窩夫配核桃雪糕（$88）賣相吸引，焦糖香蕉，雜莓果醬，榛子朱古力醬再加合桃雪糕放喺窩夫上面，完全係一個美味嘅組合。窩夫放耐咗依然保持到外脆內軟，而且有小麥香。🫐野莓梳打（$50）有新鮮雜莓，味道天然，唔會太甜，可惜水果有時會塞住支飲筒，飲嘅時候比較麻煩😅🍵凍抹茶拿鐵（$47）有漸變層，顏色好靚。抹茶味濃厚，飲落口感順滑，令人立刻覺得消暑降溫😌不籽是咖啡嘅環境同食物都非常令人滿意。有少少令我感到愕然嘅係佢哋嘅洗手間。洗手間只有一個，位於餐廳外面。其實可以講係一個雜物房。入面有一把梯同一堆雜物，令我覺得唔太舒服。如果去餐
🦀北海道干貝蟹子忌廉扁意粉（$128）意粉煮得啱啱好，唔會太淋。北海道帶子新鮮，有微微煎香。忌廉汁濃香，加上脆卜卜嘅蟹子，食晒全碟都唔會覺得漏😋
🍗海鹽焦糖雞翼（$68）雞翼炸得酥脆，肉質依然保持嫩滑，仲要係單骨，方便食用。雞翼配合鹹鹹甜甜嘅海鹽焦糖醬汁，味道特別又可口。用嚟伴碟嘅沙律菜，真係只作伴碟，同醬汁唔夾😅
🧇焦糖香蕉楓糖牛角酥窩夫配核桃雪糕（$88）賣相吸引，焦糖香蕉，雜莓果醬，榛子朱古力醬再加合桃雪糕放喺窩夫上面，完全係一個美味嘅組合。窩夫放耐咗依然保持到外脆內軟，而且有小麥香。
🫐野莓梳打（$50）有新鮮雜莓，味道天然，唔會太甜，可惜水果有時會塞住支飲筒，飲嘅時候比較麻煩😅
🍵凍抹茶拿鐵（$47）有漸變層，顏色好靚。抹茶味濃厚，飲落口感順滑，令人立刻覺得消暑降溫😌
不籽是咖啡嘅環境同食物都非常令人滿意。有少少令我感到愕然嘅係佢哋嘅洗手間。洗手間只有一個，位於餐廳外面。其實可以講係一個雜物房。入面有一把梯同一堆雜物，令我覺得唔太舒服。如果去餐廳食嘢，我嘅建議係盡量唔好用佢哋個洗手間😓
北海道干貝蟹子忌廉扁意粉
$128
39 views
0 likes
0 comments
凍抹茶拿鐵
$47
27 views
0 likes
0 comments
野莓梳打
$50
25 views
0 likes
0 comments
窩夫配合桃雪糕
$88
15 views
0 likes
0 comments
海鹽焦糖雞翼
$68
14 views
0 likes
0 comments
Post
