TEA HUB (Closed)

見到網上面都有幾多blogger post這個蛋糕，所以山長水遠過來試一試！當日有兩種唔同嘅味道選擇，第一種係伯爵茶，第二種就係泰式奶茶，兩樣都係我嘅至愛，都唔知點樣揀好牙。最後我見到網上嘅圖片，好似泰式奶茶打卡靚少少，所以我就揀咗泰式奶茶味啦，係就係港女啲，但係呢個年代邊個唔係相機食先呀？估唔到呢個蛋糕上下兩層都好鬆軟下，不過可惜唔夠濕潤，食落都幾乾，一定要一路飲水，或者飲隔離個杯細細的泰式奶茶。杯入面嘅泰式奶茶，味就濃郁，但係份量細咗少少，如果可以改進下就好了。