Video
Read full review
2025-01-01
291 views
「人人都可以做食神」呢度裝修真係好特別啊，門口就似戲棚風格，入面就好似頭咗中式大酒樓咁，「龍🐲鳳牆」好啱打咭，呢度食嘅係冰室常見嘅菜式，等我介紹吓：✨老荔特餐 $66 （包飲品）沙嗲牛肉麵🍜煎蛋🍳呢啲沙嗲汁好惹味，帶輕微辣味，小辣嘅醬汁令到牛肉更香，沙嗲汁花生粒粒，令湯底入面多啲層次，甜中帶辣！入面牛肉使用鮮牛，食落去都有牛肉味，肉質嫩滑不過熟！🐷滑蛋叉燒飯 $76（包飲品）首先個滑蛋唔會全熟，有少少蛋汁流出嚟Mix埋一齊等食先好食，叉燒就厚薄適中，屬於偏甜嘅叉燒，上面仲有少少蔥花添，呢個配搭好難唔好食掛？🍔沙嗲牛肉芝士熱香餅漢堡 $48呢個屬於好有創意嘅配搭：楓糖漿pancake本身係甜，但中層嘅芝士係鹹香芝士，底層配咗香辣嘅沙嗲牛，呢個配搭好有創意，配搭一齊又配合得到，喜歡食新嘢嘅朋友可以食吓！💛🍫金沙朱古力流心西多士 $52呢個真係超邪惡！炸到外皮金黃色嘅多士，足足有三層高，如果鍾意食榛子醬嘅話，一定鍾意！因為入面勁多榛子脆脆，好有口感又勁大份，一定要share食先可以，好滿足！飲品🥤🧋奶茶紅豆冰紅豆多到好似唔使錢咁，紅豆粒粒都煮到好腍又香甜，奶茶質地夠香滑，呢個奶茶唔會太甜，如
呢度裝修真係好特別啊，門口就似戲棚風格，入面就好似頭咗中式大酒樓咁，「龍🐲鳳牆」好啱打咭，呢度食嘅係冰室常見嘅菜式，等我介紹吓：
✨老荔特餐 $66 （包飲品）
沙嗲牛肉麵🍜煎蛋🍳
呢啲沙嗲汁好惹味，帶輕微辣味，小辣嘅醬汁令到牛肉更香，沙嗲汁花生粒粒，令湯底入面多啲層次，甜中帶辣！入面牛肉使用鮮牛，食落去都有牛肉味，肉質嫩滑不過熟！
🐷滑蛋叉燒飯 $76（包飲品）
首先個滑蛋唔會全熟，有少少蛋汁流出嚟Mix埋一齊等食先好食，叉燒就厚薄適中，屬於偏甜嘅叉燒，上面仲有少少蔥花添，呢個配搭好難唔好食掛？
🍔沙嗲牛肉芝士熱香餅漢堡 $48
呢個屬於好有創意嘅配搭：楓糖漿pancake本身係甜，但中層嘅芝士係鹹香芝士，底層配咗香辣嘅沙嗲牛，呢個配搭好有創意，配搭一齊又配合得到，喜歡食新嘢嘅朋友可以食吓！
💛🍫金沙朱古力流心西多士 $52
呢個真係超邪惡！炸到外皮金黃色嘅多士，足足有三層高，如果鍾意食榛子醬嘅話，一定鍾意！因為入面勁多榛子脆脆，好有口感又勁大份，一定要share食先可以，好滿足！
飲品🥤
🧋奶茶紅豆冰
紅豆多到好似唔使錢咁，紅豆粒粒都煮到好腍又香甜，奶茶質地夠香滑，呢個奶茶唔會太甜，如果茶味再濃郁少少就更好飲，整體唔錯！
🤎阿華田脆脆火山🌋
香甜嘅阿華田上面加咗勁多脆脆，香甜得來有口感，好飲！
✨呢度氣氛真係幾好，周圍都佈滿晒金句，好有心思，食物都不錯，繁忙時間要搭枱，唔好嬲住🐷
Post
