Video
Read full review
2024-06-11
25 views
🤪第一次嚟嘅我哋，就梗係問吓呢度嘅店員有咩好推介啦👇🏻🦐荔枝蝦球呢度嘅荔枝蝦球係必點菜式，上菜嗰陣即刻成為全場焦點🤩而掛係樹上嘅荔枝蝦球亦做得超逼真，一上枱，👧🏻👧🏻已經急不及待叫我哋幫佢影相啦📸每一粒嘅蝦球出邊都包住滿滿嘅脆米，而入邊就係嫩滑彈牙嘅蝦肉🦐口感已經夠晒豐富，再配埋佢哋附上嘅甜酸醬，酸酸甜甜認真開胃呀🌶經典宮保雞丁👨🏻就最鍾意食呢味宮保雞丁啦，辣得嚟又夠晒惹味，用嚟送飯真係一流啊🍚🍖拔絲咕嚕肉呢個嘅賣相亦係一流㗎，咕嚕肉上面放滿糖絲，望落已經好吸引，食落更加有驚喜，外脆內軟嘅咕嚕肉加埋香甜嘅糖絲，原來係絕配嚟㗎😮🥒紫淮山素小炒紫色嘅淮山，綠色嘅萵筍，黑色嘅木耳，除咗色彩繽紛之外，味道亦係清甜爽脆㗎🍞炸饅頭古有諸葛亮草船借箭，今有諸葛亮草船"載饅頭"呢味炸饅頭亦係呢度嘅另一款招牌菜，除咗外型搶鏡之外，饅頭炸得酥脆香軟，再蘸埋煉奶，好快就清碟嚕🍽🍋手打檸檬鴨屎香茶鴨屎香茶茶底清香，配搭酸微微嘅檸檬，用嚟解辣一流🌼菊花蜜以酒埕裝住嘅菊花蜜，倒落碗仔度飲，感覺好似返番古代咁，而且菊花蜜飲落清甜解渴，大人小朋友都好啱飲👍🏻
🤪第一次嚟嘅我哋，就梗係問吓呢度嘅店員有咩好推介啦👇🏻
🦐荔枝蝦球
呢度嘅荔枝蝦球係必點菜式，上菜嗰陣即刻成為全場焦點🤩而掛係樹上嘅荔枝蝦球亦做得超逼真，一上枱，👧🏻👧🏻已經急不及待叫我哋幫佢影相啦📸
每一粒嘅蝦球出邊都包住滿滿嘅脆米，而入邊就係嫩滑彈牙嘅蝦肉🦐口感已經夠晒豐富，再配埋佢哋附上嘅甜酸醬，酸酸甜甜認真開胃呀
🌶經典宮保雞丁
👨🏻就最鍾意食呢味宮保雞丁啦，辣得嚟又夠晒惹味，用嚟送飯真係一流啊🍚
🍖拔絲咕嚕肉
呢個嘅賣相亦係一流㗎，咕嚕肉上面放滿糖絲，望落已經好吸引，食落更加有驚喜，外脆內軟嘅咕嚕肉加埋香甜嘅糖絲，原來係絕配嚟㗎😮
🥒紫淮山素小炒
紫色嘅淮山，綠色嘅萵筍，黑色嘅木耳，除咗色彩繽紛之外，味道亦係清甜爽脆㗎
🍞炸饅頭
古有諸葛亮草船借箭，今有諸葛亮草船"載饅頭"
呢味炸饅頭亦係呢度嘅另一款招牌菜，除咗外型搶鏡之外，饅頭炸得酥脆香軟，再蘸埋煉奶，好快就清碟嚕🍽
🍋手打檸檬鴨屎香茶
鴨屎香茶茶底清香，配搭酸微微嘅檸檬，用嚟解辣一流
🌼菊花蜜
以酒埕裝住嘅菊花蜜，倒落碗仔度飲，感覺好似返番古代咁，而且菊花蜜飲落清甜解渴，大人小朋友都好啱飲👍🏻
0 views
0 likes
0 comments
Post
