Video
Read full review
2021-09-23
84 views
想book好耐，但成日都book唔到好full，終於book到！估唔到平日放工都仲可以同老公嘆Afternoon tea ! 餐廳非常之闊落，我哋被安排坐窗邊，可以望到海景非常之靚！一張枱有四個位，我地坐梳化位個邊好舒服。枱與枱之間都隔好遠，所以係非常之適合傾計，又唔怕俾人地聽到，私隱度高！坐低左之後waiter 就送上兩杯welcome drink香檳🥂🍾俾我地，真係開心有得cheers下🥳Tea set入面有六款鹹點同六款甜點，重要有一半都有得refill 😆正呀！唔夠喉可以再encore 🥳🥳秋之松葉蟹肉沙律墨西哥薄餅應該放得太耐，個餅唔夠脆，但個蟹肉沙律都幾濃蟹味。蜜桃龍蝦沙律奶油多士就正好多，個多士烘到好脆👍🏻大大舊龍蝦肉配埋甜甜地嘅蜜桃好夾。煙三文魚酸忌廉撻黃金尋龍魚子外表成個窩夫雪糕咁，好精緻😍一咬酸忌廉就充斥住成個口，夾埋煙三文魚係perfect match !如果個窩夫撻皮更加脆就好喇。芝士焗烤雞酥盒係三款可以refill嘅鹹點入面，encore得最多次！芝士味好香濃，第一次食可能因為影相太耐攤到凍左，無咁正，但refill個啲係暖暖地，個酥盒更酥脆，好好食！負責推t
餐廳非常之闊落，我哋被安排坐窗邊，可以望到海景非常之靚！一張枱有四個位，我地坐梳化位個邊好舒服。枱與枱之間都隔好遠，所以係非常之適合傾計，又唔怕俾人地聽到，私隱度高！
坐低左之後waiter 就送上兩杯welcome drink香檳🥂🍾俾我地，真係開心有得cheers下🥳
Tea set入面有六款鹹點同六款甜點，重要有一半都有得refill 😆正呀！唔夠喉可以再encore 🥳🥳
秋之松葉蟹肉沙律墨西哥薄餅應該放得太耐，個餅唔夠脆，但個蟹肉沙律都幾濃蟹味。
蜜桃龍蝦沙律奶油多士就正好多，個多士烘到好脆👍🏻大大舊龍蝦肉配埋甜甜地嘅蜜桃好夾。
煙三文魚酸忌廉撻黃金尋龍魚子外表成個窩夫雪糕咁，好精緻😍一咬酸忌廉就充斥住成個口，夾埋煙三文魚係perfect match !如果個窩夫撻皮更加脆就好喇。
芝士焗烤雞酥盒係三款可以refill嘅鹹點入面，encore得最多次！芝士味好香濃，第一次食可能因為影相太耐攤到凍左，無咁正，但refill個啲係暖暖地，個酥盒更酥脆，好好食！
負責推trolley refill野食嘅waiter好勤力，我地refill 完都未食晒佢又過黎問我地，成晚一共refill左三次，🤣次次都encore 呢個酥盒！
大蝦山葵沙律醬多士有微微嘅wasabi味，配埋爽彈嘅大蝦幾好味。
香濃咖哩雜菜批咖哩味唔算好濃，外層都脆脆地，味道一般。
估唔到甜點有月餅🤣🤣好搞笑呀！係最傳統嘅白蓮蓉蛋黃月餅，自從市面出左啲新款月餅都好多年無食香蓮蓉，好有童年回憶～
冧酒軟心朱古力星球係用左黑朱古力，好軟滑，黑朱古力🍫係我至愛！
京都宇治抹茶蛋糕個色幾靚，不過茶味就唔夠濃，無回甘味。
鏡之月柚子芝士蛋糕好清新🌿柚子味好香，芝士蛋糕好綿好好食encore左一次～
滿月鮮檸檬撻細細件一啖食晒😆酸酸甜甜嘅檸檬撻係我至愛所以又encore左！
當然唔少得afternoon tea必備嘅英式提子鬆餅，不過無clotted cream，係配whipped cream 同strawberry jam，whipped cream相對地無咁heavy 😛 鬆餅外面脆，少少濕潤，入面唔會乾爭爭。
野飲叫左兩隻茶：Chamomile 同Apricot & Peach。Chamomile 都係同平時飲開差唔多，估唔到Apricot & Peach係重水果嘅酸味，幾特別，食飽飲下啲酸野解膩。
由日頭望住日落景色（雖然睇唔到個太陽落山）到夜景，環境一流，野食又幾好，服務又貼心，重要一入門口就有好多打卡位，六百幾蚊真係抵！
Post
