喜泰味

Open Now

Now Closed

琴日去左麗閣商場影相，成個商場都好有特色 ，係用貨櫃做裝修既。影完相之後 又去左食泰式餐廳進食，呢間餐廳位於麗閣商場既門口，係長沙灣地鐵站近a出口，都幾搶眼架。一坐低未點野食，店員已經送上左蝦片小食，唔使餓住嗌嘢食。我同朋友叫左二人套餐，套餐包左兩杯野飲，兩個飯，一個菜同埋一個主食。套餐都幾大份，而價錢只係$188，我地再加左個香烤薄餅 $38，都幾抵食。🌟椰香青咖哩牛腩煲個汁有好重既椰香味，份量又大煲。味道有小小辣，有醒神既感覺。材料有茄子，瓜，牛腩，牛腩炆到好適中，個汁配飯真係一流🌟泰式炒通菜 佢有三款菜同三款炒式可以簡，我地就簡左泰式炒既通菜，味道炒得好入味，好似以前係泰國食既一樣，有少少辣味，好爽口，仲好有鑊氣添。食完肉最好就係炒返個菜中和下。🌟香烤薄餅可以用黎點落咖哩牛腩煲汁到調味，又或者就咁當小食咁食，皮薄香脆，配埋啲咖啡汁一齊食又入味又飽肚🍹凍朱古力🍹凍檸蜜最後仲送左兩份甜品，食埋個甜品感覺好圓滿，清新輕盈。影返張大合照，好抵食。