Video
Read full review
2020-11-06
58 views
Mamaday一向以裝修特別見稱，之前已經試過銅鑼灣同尖沙咀嘅分店，裝修有趣，內容諷刺時弊，而且用色豐富，啱晒打卡。尖沙咀同銅鑼灣嘅分店提供主食同甜品等等，質素都非常唔錯。所以我哋見到佢佐敦開咗新嘅分店，都專程過嚟試吓。不過我哋嚟到先知道，呢一間mamaday主要只係提供飲品同埋輕食，比較似一間coffee shop，不過打卡位依然非常之多，而且仲有一部份Outdoor嘅位置，可以帶埋狗仔嚟都冇問題。Dirty咖啡味道正常，咖啡夠香，奶味亦都濃郁。Iced chocolate朱古力用上膠樽裝住，感覺有懷舊氣息，朱古力味濃郁，而且冇冰塊都一樣咁凍，口感寧舍滑。Oreo 白朱古力鹹蛋黃忌廉蛋糕呢個蛋糕嘅名雖然唔算好特別，但係佢嘅造型真係非常之精緻，表面睇落就好似一隻鹹蛋咁，但係食落去其實係一件蛋糕。白色嘅部份係用上白朱古力去整成嘅蛋糕，而下面就襯托着Oreo粉，而中間黃色嘅部份就用返鹹蛋黃造成嘅忌廉，鹹蛋味非常之突出，口感就好軟滑，鹹鹹甜甜嘅味道非常之特別。陳皮紅豆慕絲蛋糕而令一件蛋糕我哋就叫咗陳皮紅豆慕絲蛋糕，陳皮同紅豆本身就係絕配，煮紅豆沙嘅時候一定唔少得陳皮，原來擺咗落蛋糕都一樣咁夾
不過我哋嚟到先知道，呢一間mamaday主要只係提供飲品同埋輕食，比較似一間coffee shop，不過打卡位依然非常之多，而且仲有一部份Outdoor嘅位置，可以帶埋狗仔嚟都冇問題。
Dirty
咖啡味道正常，咖啡夠香，奶味亦都濃郁。
Iced chocolate
朱古力用上膠樽裝住，感覺有懷舊氣息，朱古力味濃郁，而且冇冰塊都一樣咁凍，口感寧舍滑。
Oreo 白朱古力鹹蛋黃忌廉蛋糕
呢個蛋糕嘅名雖然唔算好特別，但係佢嘅造型真係非常之精緻，表面睇落就好似一隻鹹蛋咁，但係食落去其實係一件蛋糕。白色嘅部份係用上白朱古力去整成嘅蛋糕，而下面就襯托着Oreo粉，而中間黃色嘅部份就用返鹹蛋黃造成嘅忌廉，鹹蛋味非常之突出，口感就好軟滑，鹹鹹甜甜嘅味道非常之特別。
陳皮紅豆慕絲蛋糕
而令一件蛋糕我哋就叫咗陳皮紅豆慕絲蛋糕，陳皮同紅豆本身就係絕配，煮紅豆沙嘅時候一定唔少得陳皮，原來擺咗落蛋糕都一樣咁夾，兩者嘅味道互相輝映，各自都冇搶咗大家嘅焦點，反而令到大家嘅味道都更加提升。
Post
