吸引左我個喜愛粉紅色既朋友一齊去打下卡
。
環境方面
少有用粉紅色做主調既餐廳
場內環境幽靜，好適合朋友傾計/聚會
另外服務值得一讚
之前book枱既時候因為唔舒服去唔到
通知佢地既時候都無唔耐煩仲好好態度👍🏻
另外係我地坐得覺得有小小凍既時候
雖然我地本身order左瓶裝水
但侍應主動為我地提供暖水好貼心❤️
。
食物方面
髒髒芋泥鹹蛋黃蛋餅
呢個蛋餅賣相好唔在講，仲要層次好豐富
鹹蛋黃同芋泥呢個又咸又甜既組合好夾
而且夾開入面，D芋泥係多到漏出黎
芋泥香得黎，口感軟滑不黏口
招牌魯肉飯
魯肉同飯既比例岩岩好，魯肉唔會太肥
溏心蛋既熟度同個汁既味道都整得好好食
抹茶奶奶麻糬
呢個大熱甜品又得玩又有得食當然必叫
估唔到仲要整得咁好食，Q軟口感
仲要抹茶奶味夠濃，配合埋好香既黃豆粉
夾得黎又唔會搶左各自既香味，正呀
。
飲品方面
木瓜鮮奶及芋泥鮮奶
我呢個芋泥控當然要試下佢地既芋泥鮮奶
值得一讚佢地芋泥真係好多
仲要可以融入到係奶入面
唔會好似出面既台飲店咁芋泥還芋泥，鮮奶還鮮奶
雖然點餐時佢地講無得調整甜度同冰度
但一D都唔會覺得過甜或者冰融左淡味左
而朋友叫既木瓜鮮奶見到都覺得足料
佢都話木瓜味道鮮甜配合鮮奶好香好滑
題外話，餐牌上既茶調雞尾酒系列
無論係茶同酒既配搭定係改名都好別出心裁
。
整體黎講我覺得值得encore
環境、食物同服裝質素都好好
因為食下午茶今次試得唔算多
期待下次同朋友再黎食晚餐可以試多幾款菜式
