藤 (Closed)

壽司八貫 ($328 + 10% → $361)師傅有講解八貫壽司嘅享用次序，由淡味﹑爽口開始到濃郁﹑油脂豐富嘅魚料。到訪當日吸物係野菜豆乳湯，野菜煮得非常軟腍，融化係豆乳湯入面非常鮮甜，不過整體感覺同某連鎖飯糰店有供應嘅豆乳湯非常相似haha帆立貝肉厚鮮甜，有柚子皮做點綴，作為第一貫壽司的確開胃。牡丹蝦﹑池魚同鯛魚都比較淡味，魚鮮味唔算突出。深海池魚﹑油甘魚算係油脂比較豐富﹑魚味比較突出嘅兩貫壽司。海膽口感未算稠密，而且帶有少量腥味。用小豌裝住嘅魚料浸泡係酸汁入面，質感爽口，味道特別，係今餐最大驚喜！大拖羅肥美有甘香，但未算入口即溶。米飯有預先用赤醋調味，不過酸度就個人黎講稍微高咗些少，同魚料配搭上黎未算非常搭襯，米飯整體質感亦比較鬆散。壽司調味比較輕手，但可惜魚料鮮味未夠突出，變咗每貫壽司都平平無奇，質素一般。水信玄餅晶瑩剔透，糖漿甜度適中，作為料理結束相當滿足。相反熊仔夾餅餅身軟腍腍，但同紅豆蓉尚算配搭。❍ 用餐提示餐店裝飾以淺色木系為主，只得bar枱座位，總共大概可以招待十位客人，每位客人都可以望到師傅預備食材。擺盤非常有心思，仲有可愛裝飾物做擺設，非常適合打卡。到訪當日其中一