Emack & Bolio's (Closed)

本身已經好想食呢間嘅雪糕，有一次機緣巧合之下，發現到有兩張券。嗰日就好興奮咁去咗食，雖然用咗兩張券，但係因為加咗雪糕筒嘅部份，好似每人都加咗$15左右。我哋每人叫咗一個口味，諗住夾份食試吓個味道就算，因為太多個口味又要加多$20。我哋試咗佢哋嘅士多啤梨味乳酪雪糕，我覺得幾好味，真係好似士多啤梨味乳酪一樣，但係更加滑🤤要講下個雪糕筒，我哋加咗個朱古力米通版，佢用咗好多糖漿加煉奶去到黐埋佢哋，所以十分甜呀！但係一啖雪糕一啖甜筒咁樣食口味超夾，再拎住個雪糕喺嗰度打卡，啲相都好有個性！另外一款好似係咖啡朱古力味，口感和味道都沒有太大分別。