The Pearl

呢間餐廳佢個裝修真係好有feel，古典美術主題，成間餐廳都幾靚，無論同朋友定情侶嚟都啱晒。推介秘魯吞拿魚拌蕃茄莎莎配香烤鱈魚脆片及黑醋汁，呢個前菜真係好fresh，吞拿魚同蕃茄莎莎好夾，再加埋鱈魚脆片，口感豐富，好有層次。另外蒜片橄欖油封大蝦配佛卡夏多士都唔錯，大蝦好彈牙，配上香脆嘅佛卡夏多士，再加埋蒜片橄欖油，真係一流。主菜方面，和風原隻璣煮鮑魚配野菌意大利飯真係勁正，鮑魚煮得好嫩滑，配上野菌意大利飯，味道濃郁，好有口感，食完仲想再食。仲有可以試下佢地o既慢煮西班牙黑毛豬鞍架，肉質嫩滑，經過慢煮後好入味，真係唔試唔得。來得呢d餐廳, 點少得cocktail同mocktail。Pearadise 呢款cocktail真係易入口，有陣陣梨味，酒精濃度唔高，清爽得嚟又有層次。Mocktail方面，推介Rosy Romance，個名夠浪漫，凍泡玫瑰茶配新鮮蘋果汁，味道甜而不膩，唔飲酒嘅人都可以試下。