Video
Read full review
2022-02-11
46 views
是日去左一間在朗屏站附近的咖啡西餐廳Next station，門面唔顯眼，隔離又開左一間大嘅咖啡店，另到呢間小店更有隱世feel。話明係小店地方梗係唔大啦，得十來個位，繁忙時間都等幾耐㗎，落完單可以係店內打下卡先。黎得咖啡店又點可以唔試佢地嘅咖啡，先黎支cold brew，係呢間店嘅名物黎，好多谷友推介過㗎。拎上手覺得個樽幾型，好似酒瓶咁樣，哈哈。至於咖啡嘛，好香好滑，即使無糖無奶都唔會苦，飲多幾啖仲有啲回甘嘅感覺，係正喎。朋友點左Cappuccino，厚厚嘅奶泡上面灑左元朗國字樣，打卡一流，味道當然唔會差啦，啡味香濃，同冷泡又係另一種味道，呢度啲啡堅正。食物方面個名係玩味十足嘅，先來個消防員特約：籠煙悲勤炒蛋貝果，賣相好正，上枱時好香呀，入面嘅蛋炒得超滑份量又多，個貝果意外地軟身，吸入左蛋汁同肉汁更香口，好好味呀！仲點左個All day breakfast凱婷的全日早餐，有幾豐富睇下個盤就知，堆到滿滿㗎。炒蛋同樣勁滑，今次係黑松露口味，其他有煙肉、豬肉腸仔、煙三文魚等肉食，沙律菜新鮮爽口，大啡菇鮮甜多汁，仲有個勁香脆嘅哈哈笑薯餅，同朋友至愛嘅茄汁豆，大滿足～食物有水準價錢貼地，店員勤
話明係小店地方梗係唔大啦，得十來個位，繁忙時間都等幾耐㗎，落完單可以係店內打下卡先。
黎得咖啡店又點可以唔試佢地嘅咖啡，先黎支cold brew，係呢間店嘅名物黎，好多谷友推介過㗎。拎上手覺得個樽幾型，好似酒瓶咁樣，哈哈。至於咖啡嘛，好香好滑，即使無糖無奶都唔會苦，飲多幾啖仲有啲回甘嘅感覺，係正喎。
朋友點左Cappuccino，厚厚嘅奶泡上面灑左元朗國字樣，打卡一流，味道當然唔會差啦，啡味香濃，同冷泡又係另一種味道，呢度啲啡堅正。
食物方面個名係玩味十足嘅，先來個消防員特約：籠煙悲勤炒蛋貝果，賣相好正，上枱時好香呀，入面嘅蛋炒得超滑份量又多，個貝果意外地軟身，吸入左蛋汁同肉汁更香口，好好味呀！
仲點左個All day breakfast凱婷的全日早餐，有幾豐富睇下個盤就知，堆到滿滿㗎。炒蛋同樣勁滑，今次係黑松露口味，其他有煙肉、豬肉腸仔、煙三文魚等肉食，沙律菜新鮮爽口，大啡菇鮮甜多汁，仲有個勁香脆嘅哈哈笑薯餅，同朋友至愛嘅茄汁豆，大滿足～
食物有水準價錢貼地，店員勤快有禮，店內仲有唔少打卡點，值得一試呀！
Post
