Tommy Yummy (翡翠中心)

Open Now

Now Closed

約咗朋友去大館，OpenRice揾到依間喺扶手電梯附近嘅泰國菜餐廳，好似幾吸引，特別係啲嘢飲同甜品，所以就決定試吓啦。叫咗一份海鮮冬陰功金邊粉，一杯粉紅椰子水，同一碟泰式炒通菜。冬陰功湯底唔太辣，易入口，越食越開胃，食完餐飯都唔會話覺得好鹹或者好重味精，似係真材實料。配料份量都足夠，有蘑菇、蝦、魷魚、青口同芽菜嗰啲配菜。金邊粉嘅份量都足夠，符合性價比。泰式炒通菜好有鑊氣，冇諗過喺大排檔以外嘅地方都有咁惹味嘅通菜，食得出有少少辣，但係都接受到，份量亦都合理。我最鍾意就係杯嘢飲，睇得又打得卡，賣相一流，味道都幾好味，係淡淡地嘅甜味再加椰子水，感覺幾健康。整體嚟講呢間嘢，食物質素符合性價比，我會再encore。