芳華絕代 (Closed)

芳華絕代就咁係出面睇同埋就咁聽個名，唔會聯想到係食泰菜。出面同埋入面以霓虹燈裝飾，感覺好有懷舊風，打卡一流😌不過撇除環境，個人覺得食物唔錯，不過價錢偏貴，仲有加一。1⃣️馬沙文咖喱配油酥餅（$98） 咖喱椰香味比較重，配料有得揀牛腩/豬頸肉/雞肉/素菜，我地就揀左雞肉。整體份量比較少，雞肉都係得四五舊，不過雞肉食落有香茅香，唔錯😋另外入面有啲薯仔，煮得幾淋👍油酥餅唔係脆身既類型，偏軟淋，牛油香都唔算突出，不過點咖喱食都幾好食。  2⃣️冬蔭功湯金邊粉（$88）金邊粉配料揀左蝦，蝦肉明顯係急凍貨，冇味既。冬蔭功帶椰香，配料有啲芽菜、秀珍菇，但係配料同蝦既份量都唔多。  3⃣️豬肉碎生菜包（$88）豬肉碎微辣幾惹味🔥配埋生菜食幾正～  4⃣️泰式蝦餅（$68）送到上黎既時候熱辣辣新鮮炸好，個樣唔係我平時食泰菜果種蝦餅，佢係偏薄既，炸得幾脆，不過質感唔彈牙。  好味：6.5/10 環境：7.8/10 性價比：6.6/10  芳華絕代 Fong Waa Parlour 📍地址：太子界限街36號1-2樓  #太子美食 #太子泰國菜 #食好西 #吃貨人生 #冬蔭功湯金邊粉 #冬蔭功 #芳華絕代 #馬沙文咖喱配油酥