嘆嘆 (Under Renovation)

響韓閣同一個舖位入面劃分左一棵樹出黎做另一間餐廳，是以台式輕食甜品咖啡店。.餐廳個嘆嘆套餐C幾抵食，$138包一個$68或以下主食/小食，$48或以下的飲品加$68或以下的甜品，賬面唔計補差額都慳左差唔多$50！抵阿！① 嘆嘆招牌牛肉麵 $88呢碗招牌麵幾多料，牛肉同蘿蔔夠腍夠入味，麵質軟硬適中，湯底亦幾香濃好味。② 秘製滷牛展拼手炒蔥油麵 $68牛展夠腍，好食過牛肉，不過重點係好香既蔥油拌麵，有我最鍾意既炸蒜同蔥頭。同牛肉麵係同一隻麵，但餅麵太乾成塊餅咁，要加醬油撈返散個麵，好彩唔會太鹹，而且口感比湯麵Q彈，好食。③ 花雕盞菊醉雞翼 雞翼幾大隻，不過唔係太重酒味。④ 香芒雜雜 $88呢份以芒果為主打既甜品，擺盤幾有心思，中間用芒果砌朵花，幾鮮甜。千層蛋糕幾Creamy，中間有一層鮮芒果，面層有脆脆，口感豐富。仲有芒果雪糕加芒果粒同芒果汁，三重味道更濃。芒果布甸加花奶係最夾既組合。呢份啱晒愛好芒果既我，正阿！⑤ 夢 士多啤梨藍橙乳酪特飲 $42⑥ 戀 富士山 紫薯奶蓋3.6牛乳特飲 $38呢兩杯飲品絕對打卡able，夢幻橙藍色望落好似海灘，好夏天既感覺，口感有少少似沙冰，味道唔會太甜。