Coffee Hwajeon 커피화전

Open Now

Now Closed

圓方呢間高人氣韓式餐廳，週末最好訂定位，我次次都會揀坐兩邊榻榻米座位，比較寬敞又有私隱，反而中間普通座位好似迫少少。餐廳每季都有推期間限定餐點，呢期有櫻花飲品及刨冰，絕對打卡able！① 辣魷魚紫菜包飯 $92每次黎都會食紫菜包飯，塞滿料，好豐富，食幾件已經有飽腹感。② 半半炸雞 $155呢個都係每次黎到必食之選，炸雞上枱熱辣辣，皮脆肉嫩夠Juicy。通常我揀半半，一半係醬，一半係粉。呢個炸雞出色在個醬啱啱好，夠味但唔太厚，唔似普遍韓式炸雞多醬到食兩三件已經好膩。③ 藥菓肉桂楓糖咖啡 $52④ 忌廉黑朱古力咖啡 $52餐廳招牌有多款咖啡，朋友覺得正！而我唔特別愛啡，但通常黎到都會點杯咖啡味無咁濃既飲。每杯咖啡會配一塊傳統韓式花煎，煙韌口感有點紅豆餡，作為一份小甜點已經好滿足。⑤ 香濃伯爵茶刨冰 $108餐廳甜品確實好吸引，特別係刨冰類！今次無叫到期間限定的櫻花口味，因為我太愛伯爵茶！奶蓋甜度適中，本身覺得飽都想繼續食！刨冰當然無咁簡單，中間同底層仲有餡，真係大滿足。.雖然價錢唔算平，但餐點賣相味道有水準，性價比都值。