Video
Read full review
2022-08-23
55 views
今次嚟到天后食飯，去左On the Spot Cafe Bar Restaurant，位置喺天后地鐵站附近嘅金輪天地，都幾就腳，同棟都有好多唔同餐廳，咁方便下次都可以嚟試下😋Set lunch包括左前菜同主菜，我地叫左安格斯西冷扒(8oz) ($208)同墨汁大蝦扁意粉($148)前菜揀左湯同希臘薯仔沙律，可以試齊晒兩樣。另外，隨set會有餐包，要讚讚餐廳好細心，餐包係暖暖地的，上枱仲有陣麵包香🥖今日湯品係南瓜忌廉湯，南瓜味清甜，湯唔係好濃稠嗰種，所以飲落唔會太滯😋希臘薯仔沙律醬汁落左油醋，酸酸地好開胃，芝士味道唔係太濃烈，怕芝士味嘅人都可以一試🧀平時都比較少食墨汁意粉，因為都驚食完成個口污漕晒🤣 墨汁味道有鹹香味，見到啲蝦係挑乾淨晒啲蝦腸，細心！安格斯西冷封煎到啱啱好係medium rare，肉汁有鎖住到，肥瘦比例唔錯，肉質軟熟，肉味重，外層煎到少少焦香，調味只係用左少少黑椒，本身塊西冷已經夠唔錯了🤤 順帶一提，配菜有得揀洋蔥圈或者薯條，洋蔥圈炸得好酥脆，薯條應該都值得一試，唔係稔batbat嗰啲🍟兩個set lunch連加一埋單$391.6，餐廳環境舒服，今次坐左喺靠窗嘅半圓形梳化
Set lunch包括左前菜同主菜，我地叫左安格斯西冷扒(8oz) ($208)同墨汁大蝦扁意粉($148)
前菜揀左湯同希臘薯仔沙律，可以試齊晒兩樣。另外，隨set會有餐包，要讚讚餐廳好細心，餐包係暖暖地的，上枱仲有陣麵包香🥖
今日湯品係南瓜忌廉湯，南瓜味清甜，湯唔係好濃稠嗰種，所以飲落唔會太滯😋
希臘薯仔沙律醬汁落左油醋，酸酸地好開胃，芝士味道唔係太濃烈，怕芝士味嘅人都可以一試🧀
平時都比較少食墨汁意粉，因為都驚食完成個口污漕晒🤣 墨汁味道有鹹香味，見到啲蝦係挑乾淨晒啲蝦腸，細心！
安格斯西冷封煎到啱啱好係medium rare，肉汁有鎖住到，肥瘦比例唔錯，肉質軟熟，肉味重，外層煎到少少焦香，調味只係用左少少黑椒，本身塊西冷已經夠唔錯了🤤 
順帶一提，配菜有得揀洋蔥圈或者薯條，洋蔥圈炸得好酥脆，薯條應該都值得一試，唔係稔batbat嗰啲🍟兩個set lunch連加一埋單$391.6，餐廳環境舒服，今次坐左喺靠窗嘅半圓形梳化，後面就係落地玻璃，空間感好足，唔會有逼狹感，而且仲會有陽光射入嚟，如果驚曬都可以請staff落簾，只係嗰陣佢地問，我堅持唔落，要同陽光玩遊戲☀️
Post
