Be Leaf (Closed)

朋友推介，觀塘有間靚靚打卡café，嘢食都幾好。café就在皇廷廣場地下，門口位置就已經係打卡位，吹波希米亞風，鋪左石階地台，幾有風格。餐廳好鮮明，裝修好靚，裡面有搖籃等打卡位。餐牌選擇都幾多，朋友發辦叫左兩個小食，一款主食，另加$58配餐湯、麵包及飲品，然後再加一杯飲品。香茅蒜香泰式炸雞翼：炸到外皮好脆，香口，雞翼肉嫩，咬落去好熱，配埋旁邊個醬，酸酸地又幾好食。炭烤五花豚肉條：炭燒味香，燒到油滲晒出黎，肉質軟得黎有口感，調味唔錯，邪惡好食。是日餐湯及自家製香草麵包：蘑菇湯口感creamy，麵包軟熟，淡淡香草味。慢煮醬烤法國鴨腿配牛油燴意大利飯：鴨腿油脂比較重，肉嫩，連皮都好好食。意大利飯軟硬適中，裡面有洋蔥同枝豆等配料，而芝士溶在飯中，口感較濃較濕潤，鹹鹹地，食完都幾飽。宇治抹茶鮮奶：抹茶味道濃厚，鮮奶配上忌廉口感較滑，甜甜地，幾好飲。葡萄柚夏日蘇打：隻杯花紋幾靚，顏色好有夢幻感覺，啱晒打卡，味道都幾好喎。